Vairengte Sub Divisional Magistrate Pu Rothuama MCS chuan vawiin chawhma khan Vairengte a NGO Co-ordination committee aiawh te a office chamber-ah a kawm a. Sawrkar in Vairengte Police station sak thatna tur sum hmun danga a divert avanga sawrkara ngenna an siam an khua a hnuklet tur a Sept. 10 chhun dar 12:00 thleng an nghah tur thu Home Minister a an thlen chu a sawipui a. SDM chuan buaina thlen zawng leh nun phung ti khaihlak zawnga hma la lo turin a ngen a. Hemi hnu hian vawiin vek khan SDM chuan vantlang mimir tana boruak muanawm vawnhim a nih theih nan Cr Pc 144 of 1973 in thuneihna a pek angin hetiang hian thupek a chhuah ta a ni
"Vairengte sub division huam chhung Vairengte khua ah mi 5 emaw aia tam emaw awm khawm leh sawrkar duh loh zawnga awmkhawm phal a ni lo"
Thupek zawm lo chu section 188 IPC hmanga hrem theih an ni a, hlih anih hma loh chu vawiin atanga thla hnih chhung he khapna dan hi hman a ni ang.
Thupek zawm lo chu section 188 IPC hmanga hrem theih an ni a, hlih anih hma loh chu vawiin atanga thla hnih chhung he khapna dan hi hman a ni ang.
