3541/2023-2024

Dated Aizawl, the 29th January 2024: Mizoram Science. Technology & Innovation Council (MISTIC) buatsahin ni khat awh Japanese pa ‘Shiitake’ leh Oyster pa khawi dan leh UV hmanga heng pa a Vitamin D tihpun dan zir a ni. He seminar “Captive production of shitake and oyster and their processing for vitamin D enrichment” ah hian shiitake leh oyster pa ten an mamawh ang lumna leh vawhna; leh hnawng mamawh tawk pe-a khawi dan (controlled condition), Council of Scientific and Industrial Research peng pakhat Indian Himalayan Bioresource Technology (CSIR-IHBT) ten thiamna (technology) an hmuhchhuah hmangin zirtirna hun hi hman a ni. He seminar session khatna hi Conference Hall, Directorate of Science and Technology-ah hman a ni. He hunah hian MISTIC in kum 2021 atanga a lo thawhpui tawh CSIR-IHBT Senior Scientist Dr. Rakshak Kumar chu Resource Person a ni. He seminar inkhawm hi Er. H. Lalsawmliana, Chief Scientific Officer and Member Secretary, MISTIC in a kaihruai a, Dr. Lalchhandami Tochhawng, Scientific Officer leh project coordinator ni bawk chuan inhmelhriattirna leh report a pe a. He project hi Department of Biotechnology, Government of India fund niin, CSIR-IHBT te nen mangkawpin MISTIC-ah Mushroom Centre kum 2023 khan dinfel tawh a ni nghe nghe. CSIR-IHBT hian an technology te MISTIC ah pein, vawi eng emaw zat training pawh a buatsaihsak tawh a. A bik takin Shiitake pa phuai dip hmanga khawi dan technology an lo siamchhuak tawh a. Nikum April amang khan MISTIC pawhin hetiang pa khawi dan ‘technology’ hmang mangkai leh hmang chhunzawmin Mushroom Centre-ah shiitake, elm, leh oyster chi hrang hrang an lo khawi hlawhthling tawh a. Hun lo la awm zel turah Mizoram-a tualmo pa te pawh zirchian a, khawi chhoh ve theih beisei a ni.

Dr. Rakshak Kumar chuan Shitake, Lentinus edodes hi khawchhak, East Asia pa ni a sawiin, a hming erawh hi chu Japan hming phuah niin a sawi. Ramhnuaiah thing mang, thing bungah a mo mhin niin a sawi a. Kum tam tak kalta amang khan Shiitake hi khawvel hmun hrang hrangah an lo khawi man tawh a, tun hnaiah India ramin a hmelhriat ve man a ni. CSIR-IHBT te hian shiitake pa mahni inah emaw sumdawnna atana khawi dawn chuan thing (log) hman reng chuan harsatna chi hrang hrang a thlen theih avangin, thingzaina nawi, phuai dip hmanga khawi dan thiamna an siamchhuak a. He technology hmang hian North East mite hnenah a tam thei ang bera pekchhuah an tum niin a sawi. Kum 2021 vel atang khan nasa taka hma la manin, Northeast hmun hrang hrang Sikkim, Manipur leh Nagaland-ah te pawh he thiamna hi an lo pechhuak tawh niin a tarlang. Mizoramah MISTIC te nen mangkawpin, kum 2022 khan project an man a, hmunhma leh khawl mamawh ang te bun fel a nih hnuah, nikum kum laihawl amang khan MISTIC pawhin an technology hmang hian shiitake leh pa dangte an lo khawi man ve a ni. Mizo mipui, loneitute (farmers) te leh sumdawnna lam buaipuitute (entrepreneurs) hnenah hetiang thiamna hi a tam thei ang bera pechhuak a, eizawnna atana an hman mangkai theih nan duhsakna a hlan a ni.

Session-II hi Mushroom Centre, Innovation Facility Centre, MINECO-ah hman chhunzawm a ni a. He hunah hian Pa pawh thar (fresh harvest)-te chu UV chhuntir an ni a. Hei hian pa-in Vitamin D siamtu ergosterol chu ergocalciferol (Vitamin D)-ah a chantir, mihring taksain awlsam te-a a lakluh theih turin a siam a ni. Tunlaiin Vitamin D tlakchhamna khawvel pum huap leh India ramah pawh a nasa em em a, chuvang chuan kan ei leh in (diet)-ah hetiang vitamin D pai tam ei tam thei ila a duhawm.

Seminar-ah hian MISTIC te bakah Science and Technology peng hrang hranga officer te an tel a ni.