3062/2023-2024

Aizawl the 15th December, 2023 : Vawiin khan Mizoram Secondary School Games vawi 40 –na chu 1st Bn. MAP Ground, Armed Veng-ah khar a ni a, School Education Department buatsaih School Games kharna hi Pu Lalsangliana, MCS, Director, School Education Department-in khuallian niin a hmanpui.

Khuallian Pu Lalsangliana chuan he hunah hian thusawiin infiamna hi zirna atana tangkai tak a ni a, taksa a hrisel a, a chak chuan thluak a chak a, ngaihtuahna a chak bawk a, lehkha kan thiam theih phah a ni a ti a. Taksa fit hi lehkha zir nan hman tangkai a ngai a, taksa hrisel hian rilru ngaihtuahna chak min pe a ni a ti bawk. Director chuan zirlai infiammite chu rilru leh taksa hrisel nan infiamna ngai pawimawh turin a fuih a, zirna leh infiamna chu then hran theih loh anih avangin kal dun pui dan thiam a tul thu a sawi bawk.

Mizoram Secondary School Games 2023 kharna hun hi Pu Zohmingthanga Joint Director School Education-in a kaihruai a, Pi Lalremliani Physical Education Officer-in report a pe a, Pi R.Lalnunthari Joint Director-in lawmthu a sawi.

Mizoram Secondary School Games vawi 40 –naah hian Aizawl District hi North leh South-ah inthenin district dang 10 nen an vaiin District 12-te an inel a, zirlai mipa 590, hmeichhia 307 an vaiin 897 an tel a, zirtirtu 80 nen an vaiin 977 an tel a ni.

Ni 4 chhung awh Mizoram Secondary School Games vawi 40-naah hian Sports Discipline hrang hrang 6- Athletics, Badminton, Basketball, Football, Table Tennis leh Volleyball-ah te zirlaite an inel a, discipline hrang hrang hi khelmual hrang theuhah nghah a ni. A pumpuiah Aizawl District(North) chu Gold medal pali(4), Silver pathum (3), Bronze pakhat(1) a vaiin medal pariat (8) lain Pakhatna an ni a, Gold medal pali (4), Bronze pahnih (2) a vaia medal 6 latu Lunglei District chu Pahnihna niin Pathumna chu medal in ang latu Kolasib leh Serchhip District an ni a, Gold medal pathum (3) ve ve, Silver pahnih(2) leh Bronze pali (3) ve ve, a vaiin medal 8 ve ve an la a ni.
Result kimchang hetiangin:

Athletics (BOYS)
Team Champion:Mamit District Gold-1 Silver: 1 Bronze:1 Total: 3
Runner Up: Champhai District Gold-1 Silver:0 Bronze-2 Total:3
Mipa Best Athlete chu Lalmuanpuia, Govt. Tuidam H/S, Mamit District niin Gold 1 leh Bronze 1 a la a ni.
Athletics(GIRLS)

Team Champion : Serchhip District: Gold-2 Silver: 1 Bronze:0 Total: 3
Runner Up : Mamit District: Gold-1 Silver:1 Bronze-2 Total:4
Hmeichhe Best Athlete chu Sarah Lalhmingmawii, Mt. Carmel H/S, Serchhip District niin Gold 2 a la a ni.

Badminton(Boys)
1.Lunglei District 2.Champhai District 3.Serchhip District
Badminton Individual Open(Boys)
1. Vanlalmalsawmzuala, Govt. J.M H/S, Serchhip
2. Joseph Lalmuansanga, Govt. Mizo H/S, Aizawl District (North)
3. H. Laldinmawia, Synod H/S, Aizawl District (South)

Badminton(Girls):
1. Siaha District 2. Aizawl District (North) 3. Champhai District
Badminton Individual Open(Girls)

1. Ramngaihzuali, Aizawl North Academy, Aizawl District (North)
2. F.Remruatsangi, Govt. GM H/S, Champhai
3. Erica F. Lalrinnungi, St. Francis of Assisi H/S, Mamit

Basketball(Boys)
1. Aizawl District (North) 2. Aizawl District(South) 3. Kolasib District
Football(Boys)
1. Hnahthial District 2. Saitual District 3. Aizawl District (North)
Table Tennis(Boys)
1. Lunglei District 2. Aizawl District(South) 3. Serchhip District
Table Tennis Individual Open(Boys)
1. F. Malsawmpuia, Lunglei District
2. R.Lalruatmawia, Serchhip District
3. Freddy V. L. Remkima, Kolasib District

Table Tennis(Girls)
1. Kolasib District 2. Hnahthial District 3. Aizawl District(South)
Table Tennis Individual(Girls)
1. C.Lallawmzuali, Kolasib District
2. F.Malsawmkimi, Hnahthial District
3. H. Lallawmkimi, Serchhip District

Volley Ball(Boys)
1. Kolasib District 2. Champhai District 3. Khawzawl District
Volleyball(Girls)
1. Aizawl District(South) 2.Siaha District 3. Khawzawl District