No.2197/2020-2020

Covid 19 dona kawnga a tul anga hmalakna atan Mizoram Secondary School Teachers' Association (MISSTA) Sub-Hqrs.Hnahthial chuan vawiin khan Hnahthial District Task Force Chairman leh District Bawrhsap ni bawk Pu Vanlalmawia hnenah Rs.1,00,000 (Cheng Nuai khat) an hlan a, Pu Lalchamliana Bazar veng Hnahthial pawhin Rs.10,000 (Cheng sing khat) a hlan bawk.

Tanpuina petute chungah Hnahthial District Bawrhsap Pu Vanlalmawia chuan lawmthu sawiin "Covid 19 kan dona ah hian tih tur tam tak awmin Sorkar in sum tam tak a seng a. Chutihlaiin Sorkar tanpui duhna rilru nena pen chhuak a, District Task Force-ah a tulna a pianga hman tur mi thahnem ngai ten sum an chhung lut thin hi a lawmawm hle a ni" tiin Covid 19 do kalpui tan tirh atanga Kohhran, Pawl leh Mimal thahnem ngai ten an sum thawh tlingkhawm chu a tam tham tawh thu leh tangkai taka hman mek zel a nih thu pawh sawiin Hnahthial District Bawrhsap chuan "thinlung lama kan inthlawpna hi a hlu em em a, chumi atanga chet chhuahna chu a tangkai thin hle a ni" a ti a. Covid 19 do kawngah fimkhur tak leh theihtawp chhuaha hmala thar zel turin a chah bawk a ni.

Vawiina tanpuina Rs.10,000 petu Pu Lalchamliana Sailo hian hemi hma pawh hian Covid 19 do nan hian DLTF Hnahthial-ah Rs.30,000/- alo pek tawh bakah an veng chhung VLTF ah pawh pawisa fai leh thlai thahnem tak alo pe tawh bawk ni.