No.2196/2020-2020

Aizawl, the 19th June 2020: Vawiin chawhnu khan June thlatira COVID-19 positive hmuhchhuah, ZMC-a enkawl zui tak, Kolasib District mi 6 leh Aizawl District mi 2-te chuan ZMC an chhuahsan. COVID-19 hrivei pakhat enkawl dam tak, May thlatira ZMC chhuahsan ta nen chuan Mizoramah COVID-19 natna vei damchhuak mi 9 an awm tawh a ni.

Heng mi 8 te hi an dam ngei a ni tih nemngheh nan darkar 24 chhungin RT-PCR test vawi hnih paltlang tir an ni a. Test result te hi a negative ve ve a ni.

Vawiina damna chan avanga ZMC chhuahsan te hi mipa 1 leh hmeichhe 7 an ni a. An vai hian June 2 khan ZMC isolation ward-ah dahluh niin uluk taka enkawl vek an ni a. Damna changin ZMC chhuahsan tawh mahse sawrkar inkaihhruaina angin ni 7 chhung quarantine chhunzawm an ni dawn a ni.