Vawiin khan Pu P.C. Lalthanliana, Minister, Social Welfare Department hovin Mizoram Social Defence & Rehabilitation Board(MSD&RB) member te  Secretariat Conference Hall, New Secretariat Complex ah an thukhawm. Kum 2009-2010 chhunga MSD&RB hmalak tawhna report ngaih thlak a nih hnu in Agenda putluh te ngaihtuah hona neih a ni.

Minister chuan MSD&RB hmalakna te chu a pawimawh avangin tuna an inrelbawldan te pawh ennawn a siam that ngai lai te siam that a hun tawh a ti.MSD&RB hian 'ruihhlo ni lovin hriselna ngaihven zawk rawh' tih thupui a hmangin kum in June 26, khawvel pum huap 'ruihhlo hmansual leh zawrh dona ni' hman ve a tum.Chief Executive Officer, MSD&RB in Annual Report 2009-2010 a pek hnu in  Board hmalak dan tur leh kal chhoh zel dan tur  rel a ni. Superintendent of Police,Aizawl, Inspector General of Prison, Excise Commissioner leh Official pawimawh then khat te he meeting ah hian an tel.