Vawiin chawhnu khan Chief Minister office-ah Chief Minister Pu Lal Thanhawla ho in  Finance Minister Pu Lalsawta leh State  Planning Board Vice Chairman Pu H. Liansailova te chu Sawhthing hralh chungchang ngaihtuahin  an thukhawm.  

Mizoram sorkar hotute thukhawmnaah hian  Mizoram hmun hrang hranga Sawhthing chingtute’n a hralhna kawnga harsatna an tawh dan te chipchiar tak a sawi  a ni a; he harsatna sutkian dan tur bakah sawhthing man man zawka  kuthnathawktuten an hralh theih nan “Mizoram State Agri-Marketing Monitoring  & Coordinating Committee” din nise an ti. Chief Minister Pu Lal Thanhawla chuan a tul ang zela sumpai pawh ngaihtuah nise a ti. A rang thei ang bera hma lak a, furpui a thlen hma ngeia che thei tura inbuatsaih tum a ni.