Vawiin chhun Dar 12:00 khan Mizoram SSA Mission buatsaih RTE-SSA leh RMSA Awareness chi khat atana Hla Inphuahsiak Result Puan leh Lawmman Semna hun chu Commissioner & Secretary, School Education Pu K. Lal Nghinglova Office Chamber-ah neih a ni.

He hun hi Commissioner & Secretary, School Education Pu K. Lal Nghinglova ‘n kaihhruaiin. Pu V.Lalsiamthara. Addl. State Project Director, Mizoram SSA Mission chuan Hla Inphuahsiak chungchang a report a, Hla Inphuahsiak hi Right to Education Act, SSA leh RMSA awmzia leh thiltum te chiang zawka mipui ten an hriat theihna atana buatsaih a ni a. District hrang hrang atangin he hla inphuahsiakah hian mi 96 an tel a ni. Hla hi endik tura thlan bik ten endikin, endikna atana tehkhawng lianzual ah chuan - SSA, RTE leh RMSA awmzia leh thiltumte a phawkchhuak tha em tih leh a thluk (solfa) te a ni a, Coding System hmanga tih vek a ni bawk.

Hla endiktute MZI atangin Pu David Z. Hmar chuan endik hna kalpui a nih dan leh kalphung sawi fiahna neiin, lawmman dawng tute thusawi ngaihthlak a ni bawk.

Lawmman pakhatna hian Pawisa fai Cheng Singthum (Rs.30,000) leh Citation a dawng a, a titha zual pangate hnenah Consolation Prize cheng Sangnga (Rs.5000) leh Citation pek theuh an ni bawk.

Lawmman pakhatna hi Rosangliana Rokhum, Tuahzawl, Mamit District niin, Consolation Prize dawng tute chu -

1. C. Lalnunvula, Mission Vengthlang, Aizawl

2. K. Lalremruata, Republic Venghlun, Aizawl

3. H. Zothanmawia, Bawngkawn, Aizawl

4. Lalthlamuana, Serkhan, Kolasib District

5. Zonunthari, Leitan South, Durtlang

Lawmman pakhatna latu hlaphuah hmang hian remchang hmasa berah Solo Competition buatsaih leh a ni dawn a ni. Mizoram SSA Mission chuan Endiktute, lawmman latute leh hla phuahtute zawng zawng chungah lawmthu a sawi tak meuh meuh a ni.