Vawiin dar 1:00 pm ah tanin C.S. Conference Hall-ah Mizoram State Anti-Tobacco Day September 11, 2014 a hman dan tur ngaihtuahin meeting neih a ni. He meeting hi Pi L. Tochhong IAS, Chief Secretary in a kaihruai a ni. Hemi ni hian Aizawl ah chuan chawhnu dar 1 atanga dar 3 inkarah Vanapa Hall ah programme hman tum a ni ang a; khuallian atan Pu Lal Thanhawla, Chief Minister zahawm tak hman a ni ang. Khual zahawmah Pu R. Lalzirliana, Home Minister zahawm tak leh Pu Lal Thanzara, Health Minister zahawm tak hman an ni ang a; Pi L. Tochhong IAS, Chief Secretary, Govt. of Mizoram in programme a kaihruai dawn a ni.

Hemi ni hian report, thusawi, oath taking leh zai ngaihthlakna te neih a ni dawn a ni. State Capital ang bawk hian District Headquarter ah te pawh he mi ni hi hman tur a tih a ni.