Vawiin khan D.C Conference Hall, Mamit-ah District Bawrhsap Pu K. Lalthawmmawia hovin Mamit khawpui chhung tih hmasawnna tur atan Mamit Road Development Project leh Multipurpose Centre sak dan tur chungchang ngaihtuahna leh sawihona neih a ni.

Meeting chuan Mamit khawpui chhung tih hmasawnna tur pawimawh tak khawchhung inkalpawhna kawng hrang hrang te thuam thata kawng chep zual laite tih zau tura hmalak ni se a ti a, hemi lo bawhzuia lo teh fel turin PWD Department te leh Joint V/C Mamit te ruat an ni a, khawpui chhung V/C ten an huam chhung theuhah lo tawiawm se tih a ni a, Report hi Dt 15 Sept hma a theh luh leh ni se tih a ni bawk. Hmasawnna kawng hrang hrang ngaihtuah zingah Mamit Bazar venga Multipurpose Centre sak tura ruahmanna siam a ni a, hei bakah hian meeting chuan Mamit Town Road Protection Squad din ni se tih a ni a, District Bawrhsap in lo din se tih a ni bawk.

Meeting-ah hian hemi a tana kaihnawih Department te, NGO’s hrang hrang te bakah thuthar thehdarhtute an tel a ni.