Mizoram Excise & Narcotics Department (END), Anti Narcotics Squad te chuan 24th & 25th August, 2014 khan ruihhlo thahnem tak an man.

Mizoram Excise & Narcotics Department, Anti-Narcotics Squad te chuan 23rd August, 2014 (Inrinni) khan Methamphetamine tablet 20,000 (singhnih) leh a neitu Lalhnuni (45) d/o Lalhmangaiha (L), Tahan ‘A’ Group Myanmar an man a. Ni 25 August, 2014 zing dar 1 vel khan Methamphetamine tablet 18,000 (sing khat sang riat zet) a thuhrukna atangin an man sak leh a ni, Mizoram Excise & Narcotics Department, Anti-Narcotics Squad te hian Lalhnuni hnen atang hian a vaiin Methamphetamine tablet 38,000 an man sak a ni. Heng Methamphetamine te hi Aizawl Market-ah chuan Rs. 66,50,000/- Cheng nuai sawmruk paruk leh sing nga) man hu nia chhut a ni.

Mizoram Excise & Narcotics Department, Anti-Narcotics Squad te hian 24th August, 2014 zing dar 9:00 khan Zemabawk Forest Check Gate-ah Ganja 10 Kgs. leh a neitu, Lalchhandama (22) s/o Lalthangliana, New Saiha chu an man bawk a. Ganja phurhna Nano Car (Regn. No. MZ-01J-1802) pawh hrensak a ni bawk.

Methamphetamine leh Ganja neitute hi NDPS Act, 1985 hnuaiah thubuai siamsak a ni.