Vawiin khan St.John's Higher Secondary School Auditorium Kolasib ah Mizoram State Bharat Scouts and Guides buatsaihin Award semna neih a ni a, Pu H.Bazi Rama MCS( Rtd) Vice President Kolasib District Scouts and Guides chu khuallian niin he hun hi a hmanpui.

Rajya Puraskar/ Governor Award mi 8 hnenah hlan a ni a, Long Service Decoration Pi Lalthlani, Pu Daniel S.Thanglianchhawna leh Pi R Lalmuanpuii te pek an ni a; Medal of Merit Pi Lalawmpuii hnenah hlanin Special Service Star Pi Christina Lalmalsawmi hnenah hlan a ni.

He hun hi Pi Saizampuii Youth Welfare Officer, Directorate of Sports and Youth Services leh Pi Lalnunsiami Pachuau Organiser(Guides) leh Tv Lalthlanthlanga Asst Organiser( Scouts) ten an rawn hmanpui a. Kolasib District Scouts leh Guides leh St.Johns HSS zirlai 600 chuang te he programme ah hian an tel a ni.