Tunhnaiah TV Channel lian tak pakhat chuan naupang pakhat, sakhaw puithuna thila meihawl vam chunga dah a nih lai video/thlalak a darh nasa a. He thil thleng hi National Commission for Protection of Child Rights (NCPCR), New Delhi chuan a ngai thutak hle a, state tin Chief Secretary, DGP te leh State Commission for Protection of Child Rights (SCPCR) te chu hma la nghal turin a hriattir a.Hetianga puithuna atthlak hmanga naupangte tih nat hi Juvenile Justice (Care and Protection of Children) Act 2015 in a khap tlat a ni. Naupang laka thuneitu, enkawltu tupawh anmahni tiduhdah, hlamchhiah emaw naupang rilru leh taksa tana harsatna thlen thei tur zawnga thil titu chu kum 3 thleng lung in tantir emaw cheng nuai 1 thleng chawitir emaw a pahniha hrem theih a ni ang.

Mizoram State Commission for Protection of Child Rights (MSCPCR) chuan naupangte dikna leh chanvo humhalh kawnga thawhpuiah mipuite a sawm a ni.