Mizoram State Commission for Women chuan Ni 20 September, 2019-a Siaha District-a thil duhawm loh tak thleng hi pawi a tiin a dem takzet a, thleng nawn tawh lo se a ti hle bawk a ni. He thila hmeichhe dikna palzutsak leh zah lo taka ti mualphotu, a saruak video Social Media-a thehdarhtu leh mawhphurtu Pu Z.T. Lalhmingmawia, Lawngtlai hi dan ang zela a na thei ang bera hremna pe turin thuneitute a ngen a. Hmeichhe chunga hleilenna, an dikna palzutsak te hi Mizoram State Commission for Women chuan a ngai pawimawh em em a ni. Hmeichhiate hian Dan hrang hrang anmahni humhalh tur tha tak tak an nei tawh a. Heng DAN hmang hian hmeichhiate dikna leh chanvo palzutsak an awm chuan DAN hmanga na taka hrem theihna pawisa chawi mai bakah lungin tan theihna thleng Dan a awm tawh a. Heng Dan hmang hian Mizoram State Commission for Women chuan hmeichhiate chunga hleilenna leh an dikna palzut a nih chuan na takm hma ala zel dawn a ni.