Mizoram State Cooperative Union Ltd. Board of Directors Meeting pawimawh tak vawiin hian President Office Chamber-ah neih a ni a. He Meeting hi Pu Lianthangpuia, Chairman, MSCU Ltd in a kaihruai a ni.
He Meeting-ah hian All India Cooperative Week, 2015, Dt 14th - 20th, October, 2015 chhunga hman dan tur sawiho a ni a. He Week hi hman ngei Committee chuan tha tiin a hmanna turah sum Cooperative Union hian a neih loh avangin RCS thuthlukna ngaihchan hrih nise tiin a rel a ni.
Kumin Cooperative Week, 2015 thupui chu ‘Make in India through Cooperative’ tih niin Week hman chhung hian nitin thupui hran theuh neia hman tura ruahman a ni bawk.
Hei bakah hian Cooperative Union building hi a chhiat tawh em avangin building tha tak neih tulin committee chuan a hria a, hemi buaipuia hma lo la turin committee siam niin heng mite hi committee-ah ruat an ni -
1. Pu Lianthangpuia, Chairman, MSCU
2. Pu K.Lalnunpuia, Vice Chairman, MSCU
3. Pu V.L Muanchhana, Printing & Stationery.
4. Pi Lalnuntluangi Hrahsel, EO/Secretary, MSCU.
He Mizoram State Cooperative Union, Board of Directors Meeting-ah hian Pi Maria G.Ralte, Chief Executive Officer, MSCU bakah members te an kal tha hle a ni.
