Vawiin chawhmakhan Chief Secretary Conference Room-ah Mizoram Sorkar leh Sorkar hnathawkte inrelbawlna chungchanga Com­mittee sang Joint Consultative Machinery (JCM) Mizoram State Council chu an thukhawm. JCM hi Sorkar leh a hnathawkte inrelbawlna leh inkaihhruaina lama relfel tura din a ni.

Meeting hi JCM Chairman Pu Lalmalsawma IAS, Chief Secretary in a kaihruai a, Sorkar Department hrang 9 atangin Secretary te leh an aiawh te leh  Sorkar hnathawk (Staff-side) atangin  Er R. Lalrammawia, President FMGE&W hovin mi 12 an tel bawk.

Meeting ah hian agenda pawimawh tak tak pathum an ngaihtuah a. Chungte chu :

1. JCM Meeting hmasa (Dt. 7. 4. 2014) lama thurel te bawhzui a nih dan thlir ho (Review).

2. Sorkar hnathawk te GPF Account enkawl mek dan chungchang - Accounts & Treasuries Department GPF Account zawng zawng a enkawl vek ai hian Department tinin mahni Department a mi te theuh enkawl zawk tura rawtna awm chungchang.

3. Mizoram Sorkar inrelbawlna hrang hranga zirchianga enfiah tur leh siamthat dan ngaihtuah tur Administrative Reform Committee din chungchang.