3593/2022-2023

Aizawl, 15th February, 2023 : Mizoram State Day, Februay 20 chu kar leh Thawhtan Ni khian Vanapa Hall-ah hman a ni dawn a. Hemi chungchanga inbuatsaihna kalpui dan thlir hovin vawiin khan Pu K.Lalthawmmawia IAS, Commissioner & Secretary, GAD hovin sawrkar department hrang hrang te chu Aizawl S.P conference hall-ah an thu khawm a. Department hrang hrangte chanvo leh mawhphurhna neihte sawiho a ni.

Mizoram State Day puala programme hi Februay 20 chhun dar 11:00A.M ah Vanapa Hall a hman tur a ni a. Chief Minister-in Khuallian niin a hmanpui dawn a. Mizoram sawrkar hnuaia Secretariat hnathawkte Under Secretary chin chung lam te; Directorate a thawk Dy.Diretor chin chung lamte leh Mizoram Police Senior Grade chin chunglam te chu tel tura hriattir an ni a. State Day lawmna inkhawmah hian NGO leh kohhran hrang hrang te pawh tel tura sawm an ni dawn bawk a ni.