SDP Unit, Directorate of Economics & Statistics, Planning & Programme Implementation Department chuan hetiang hian thuchhuah an siam -

 

Kan State ramri chhungah, sorkar kum khat (lst April - 31st March) chhunga kan thawhchhuah zawng zawng hlutzawng, a pawisa zata sawina hi State Domestic Product (SDP) chu a ni. National Accounts Division (NAD), National Statistical Office (NSO), Ministry of Statistics & Programme Implementation (MoSPI), Government of India (Gol) hian International Guidelines zulzuiin System of National Accounts (SNA) a duang a; chumi behchhan chuan State leh UT zawng zawngte'na kan inhman-tawm tur SDP chhutchhuah dan (SDP Methodology) a duang thin. Chu dan hmang chuan Mizoramah pawh Directorate of Economics & Statistics, Planning & Programme Implementation Department-a thawktute chuan Department hrang hrang statistical data khawnkhawmin, tihsual leh chhut-sual palh hlau em emin, uluk takin kum tin an chhutchhuak thin, a ni.

 

SDP chhutchhuah dan hi a chipchiar em em a, ziaka sawifiah sen a ni lo. Mi thenkhatin SDP hi duh hun huna tihsan theih ang ziazangin an sawi mai thin a; hei hi thu dik lo tak a ni. Mizoram sumpai thawhchhuah peng zawng zawng (all sectors of Mizoram economy) atanga statistical data lakkhawm a nih hnuah, a chhut dan formula hmanga chhut niin sorkar kum khat chhunga Mizoramin pawisa kan thawhchhuah zat te, chawhruala mi pakhat sum lakluh zat te, kan State Economy than dante a lo chhuak mai a ni. Kan duh vanga sang a, kan duh vanga hniam a ni lo; methodology mumal tak hmanga chhut a ni a; statistical data-in a hril vek a ni zawk.

 

Buh leh bal, thlai, thei, pangpar, adt. tharchhuah kawngah a kum telin kan mar chho a. Ran vulh, artui, silk tharchhuah lamah hma kan sawn nasa em em. Industrial wood leh forest product atangin sum tam tak kan lalut bawk. Manufacturing-ah hma kan sawn nasa, thiam thilah hma kan sawn nasa a ni. State dang atanga kan chawkluh tam tak chawkluh ngai tawh lovin, tualchher production, processing leh preservation-ah hma kan sawn hle a. Trade & Repair Service, Hotel leh Restaurant atangin sum kan lalut hnem hle bawk Hei hian sorkar laipui atanga sum hmuh, economic policy mumal tak hmanga kalpui hian rah tha a chhuah a ni tih a tichiang hle. Construction-ah hma kan sawn nasa, ram ro (State Asset) tam tak din a ni. Zirna leh hriselna lama hmasawnnain kan sumpai thawhchhuah a tipung nasa a. Communication-ah hma kan sawn zel.

 

Mining & Quarrying, Transport (Road, Water, Air), Storage, Railway, Financial Services, Real Estate Business, Electricity, Gas sector-ahte tan kan lak a ngai. chawhruala mimal sum thawhchhuah tam deuh thin anga lang hi Mizoram mipui kan tlem vang mai a ni. Kan panna laia tan kan lak a, kan inthlahpun chak a, kan taimak a, hriselna leh zirna kan ngaihpawimawh chuan hei ai hian hma kan sawn zel ang a; State intodelh kan la ni chho ve ngei ang.

 

Budget-a sum zawng zawng hi SDP-ah a lut vek emaw ti an awm thin a; an hre sual a ni. State leh Autonomous District Council Budget-te hi Methodology leh Software hmanga awmze neia thliar-fel (analyse) an nih hnuah SDP-a kan State thawhchhuaha chhiar tur chu he'ngte hi an ni - PWD Major Head : 2059 (Public Works), 2216 (Housing), 3054 (Roads & Bridges) hnuaia Construction (Repair & Maintenance) atana salary, wages, pension, adt. Public Administration & Defence hnuaia Net Domestic Product (Output Estimates) bakah sorkar Department sum thawkchhuak - Departmental Enterprises (DEs)/Departmental Commercial Undertakings (DCUs) hnuaia maintenance of buildings/other construction leh other construction expenditure.

 

GROSS STATE VALUE ADDED BY ECONOMIC ACTIVITY AT CURRENT PRICES

(Base Year: 2011-2012)

MIZORAM STATE

SECTORAL SHARE

 

 

 

 

 

 

 

 

 

 

 

SN

Item

2011-12

2012-13

2013-14

2014-15

2015-2016

2016-2017

2017-2018 (Prov.)

2018-2019 (Proj.)

2019-2020 (Adv.)

1

2

3

4

5

6

7

8

9

10

11

1

Agriculture, Forestry & Fishing

20.12

18.95

18.74

31.49

31.41

30.87

29.87

28.48

30.03

2

Industry

20.46

18.91

23.24

20.87

20.74

21.72

24.02

25.76

26.65

 

Public Administration (Budget)

18.75

20.06

18.71

14.77

14.25

13.62

12.56

12.47

11.49

3

Tertiary

59.43

62.14

58.02

47.63

47.85

47.42

46.11

45.76

43.32

12

TOTAL GSVA at Basic Prices

100.00

100.00

100.00

100.00

100.00

100.00

100.00

100.00

100.00

 

Sorkar kum 2012-2013 leh 2013-2014 chhunga Forestry & Logging Sector-a GSDP (Constant Price) flow hi a mar chho a. Amaherawhchu, sorkar kum 2014-2015 atang hian Forestry & Logging Sector GSDP hi a rawn pung vak mai a. A chhan bulpui ber chu hei hi a ni : "Reserved Forest / In Forest" Area leh chumi chhunga "Growing Stock" chu 2013 nena khaikhinin 2015 atang khan a rawn tlahniam vak mai a. Chutih rual chuan, "Unreserved Forest" Area a rawn pung thut mai bawk a, chumi chhung - "Trees outside Forest (ToF)"-a "Growing Stock" a rawn pung vak thung. Hei hian ToF chhungah GSDP Methodology hmanga chhutin 'production' leh 'value of output' a tisang ta a ni.

 

A hnuaia table tarlanah hian hemi chungchang data, Forest Survey of India / India State of Forest Report atanga lakchhuah kan hmu :

 

FSI/ISFR_Mizoram

GROWING STOCK (M. CUM)

 

IN FOREST

IN TOF

2013

59.359

8.165

2015

20.659

48.842

2017

19.052

42.762