No.1483/2021-2022
Aizawl, the 20th July 2021 : Nimin khan Health & Family Welfare Department chuan Mizoram State Entry Point ah COVID-19 test leh a kaihhnawih chungchanga a hnuaia a inkaihhruaina Standard Operating Procedure tarlan chu mipui hriat atan an puangzar.
Standard Operating Procedure (SOP) for Covid-19 test at Mizoram State Entry Points.
Ram pawn atanga Mizoram a lo lutte entry points-a Covid-19 test kalpui dan tur chu a hnuai a mi ang hian duan a ni. He inkaihhruaina hian hemi chungchanga inkaihhruaina a lo tih chhuah No. D.33011/39/2021-HFW(SOP)/H dt.25.06.2021 a luahlan ang a, tih chhuah a nih atanga thuleh awm hma chu hman tur a ni ang.
- India ram pawn leh India ram hmun dang atanga Mizorama lo lut reng reng chu Mizoram an lo luhna (point of entry) ah RAgT (Rapid Antigen Test) hmanga en dik vek an ni ang a, RAgT positive te chu enkawl dan tur ding lai (protocol) angin enkawl zui tur an ni ang. Hetiang hian Mizoram atanga zin chhuak, lo haw lehte pawh en dik vek tur a ni ang.
- Mizoram a lo lut RAgT negative result neite chu inah emaw CQF/Paid Hotel-ah ni 7-10 chhung an inkhung hrang tur a ni a, ni 7-10 hnuah RT-PCR a test tur a ni. Negative result an neih chuan inkhung zui a ngai lo ang a, ni 7 chhung fimkhur takin mahni an inchik zui tur a ni. An in khunghran chhunga symptoms an neih chuan ni 7-10 la thleng lo mah se, RT-PCR/TrueNat hmangin a rang thei ang bera test tur a ni.
- Self Monitoring (mahni hriselna inkaihhruaina in a phut mahni in lama awm tawh si ‘mahni hriselna inchik’ tura tihte chuan heng a hnuaia tarlan harsatnate hi an nei em tih an inchik reng tur a ni.
- Khawsik
- Rim hriatna tlahniam
- Hrawkthip leh nuamlo
- Khuh
- Thawhah
- Taksa sil leh na themthum
- Pumna
- Kawthalo
- Lu hai
- Chawei tuilo
- Chau ngawih ngawih
Self Monitoring (mahni hriselna inchik) chunga mahni in lama awmte chuan Covid-19 chungchanga sorkarin thurawn a siamte - midang hlata awm, mask vuah, kutsil fo/hand sanitizer hman-te tha takin zawm tur a ni.
