No.1482/2021-2022

NTSE hi India rama class-X zirlai ten Scholarship an dawn theihna tura India ram pum huap exam a ni. Exam hi chhawng hnih awmin State Level (Stage-I) leh National Level (Stage-II)-ah then a ni a, State Level hi Mizoram-ah chuan November thla, Inrinni hmasa berah neih thin a ni a, State Council of Educational Research and Training (SCERT), Mizoram in State Level Examination hi a buatsaih thin a ni. National Level Exam hi kum tin May thla, Pathianni vawi hnihnaah neih thin a ni a, Mizoram atangin, State Level-a ti tha zual 50 (top 50)-in National Level hi an exam leh thin. NTSE-ah hian Paper pahnih a awm a, chungte chu–

 

Paper

Test Items

No. of Questions

Paper – I

Mental Ability Test (MAT)

100

Paper – II

Scholastic Aptitude Test (SAT)

100

Zawhna hi Multiple choice niin, India rama class-X syllabus (CBSE) hmangin zawhna hi buatsaih thin a ni.

NTSE State Level (Stage-I) hi Mizoramah chuan DIET 8 kan neiah Exam hi buatsaih thin a ni a, DIET Principal te hi Centre Superintendent niin, an ni kaihhruaina hnuaiah kumtin NTS Examination hi neih thin a ni. State Level-a ti tha zual 50 te chuan National Level NTS Examination (Stage-II) hmachhawn lehin, Mizoramah chuan Kendriya Vidyalaya, Zemabawk hi National Level NTS Examination Centre niin, kumtin Stage-II exam nan hman thin a ni. Mizoram atanga Exam bei tur te tan Application Form leh Examination Fee zawng zawng hi a thlawn vekin Mizoram Sawrkar chuan SCERT kaltlangin a tih sak thin a ni.

14 February, 2021 khan National Talent Search Examination, 2020 buatsaih a ni a, National Council of Educational Research and Training (NCERT), New Delhi-in 16 July, 2021 (Zirtawpni)-ah result tichhuakin, Mizoram atangin naupang 3 (pathum) an tling, chungte chu –


  1. Lalkhawngaihi                     Home Mission School, MC Donald Hill
  2. Samuel C. Vanlalpeka         St. Pauls HSS
  3. Simon Lalremsiama             St. Pauls HSS

Heng zirlai hlawhtling pathumte hi 9 November, 2019 (Inrinni)-a State Level NTS Exam titha zual thlanchhuah zing ami te an ni. COVID-19 pandemic avangin exam hi a hun pangngaiah buatsaih theih a ni lova, sawn a ni.

State Level NTS Examination (stage I)-a tlingte tan hian SCERT, Mizoram chuan study material-te siamin, National Level NTS Examination (Stage-II) inbuatsaih nan coaching class te a buatsaih thin a. COVID-19 pandemic avanga coaching class neih theih a nih tak loh avangin SCERT chuan ruahmanna dang siamin, National Level Exam hmachhawn turte chu anmahni sikul zirtirtute theuh Tutor atana ruatin, anmahni sikul theuhah coaching class hi kalpui a ni.

NTSE Scholar te hamthatna (Scholarship) hi ram pumah naupang 2000 hnenah hetiang hian pek thin a ni –

  • Higher Secondary                          - Rs. 1,250/- per month
  • Graduate leh Post Graduate - Rs. 2,000/- per month
     

    Scheduled Caste

    -

    15%

    Scheduled Tribe

    -

    7.5%

    ·         OBC

    -

    27%

    Vohbik zirlaite

    -

    4%

     


      

    Ph.D. tan kum 4 chhung UGC norms angin pek thin a ni. NTSE-ah hian hetiang hian quota siam a ni –

 NTSE, 2019-2020 result chungchangah hian media lamah school hming dik lo a theh darh a lo ni nual tawh a, SCERT chuan pawi a ti tak zet a ni. He thuchhuah hi tih dikna anga ngaih tur a ni e.