Mizoram State Games 2019 chu karleh Thawhtanni chawhnu dar 2.30 hian Rajiv Gandhi Stadium, Mualpui-ah hawn a ni dawn a. He hunah hian Chief Minister Pu Zoramthanga chu khuallian a ni a. Deputy Chief Minister Pu Tawnluia chu Khualzahawm a ni dawn a, Sports Minister Pu Robert Romawia Royte chu uaptu a ni dawn a ni.

Sports Minister Pu Robert Romawia Royte chuan Mizoram puam huapa sports intihsiakna sangber, Mizoram State Games 2019 hawnna a tel tur leh he hun Television lama pek chhuak te lo thlir turin Mizoram mipui zawng zawng te a sawm a. State Games hawnnah hian Sawrkar hnathawkte pawh an hotute phalna la hmasa in tel phal sak an ni.

State Games hawnna hi Chief Secretary Pu Lalnunmawia Chuaungo chuan a kaihruai dawn . He hunah hian Infiammi rawn fuankhawm te an rawn in pho lang dawn a. Hunserh Dr Major ST Dula'n a hmang anga, Air Show, thutiam lak rualna, Flag pawhphar, malzai leh thusawi ngaihthlakna hun te a awm zui dawn a ni.