Vawiin khan Mizorama State Games Programme kalpui dan tur sawi hona Secretariat Conference Hall-ah neih a ni a. He hun hi Pu Robert Romawia Royte, Hon'ble Minister, Department of Sports & Youth Services chuan kaihruaiin, Mizo thalai infiammi talent nei tha tak tak te thur chhuahna tur pawimawh tak a nih mai bakah, Mizo mipui tena hriselna tha kan neihna tur atana hmanraw pawimawh tak a nih theih nan Mizoram sorkar  ruahman a nih thu a sawi. 

He State Games Programme-ah hian Sports Discipline tam thei ang berah inelna neih theih ni se tih a ni a, category then dan ngaihtuahtu tur Sub-Committee leh inelna neih dan tur kalphung lo ruahman turin Sub-Commitee din a ni bawk a ni. Sub- Committee te hian ni 5 chhungin Organising Secretary hnenah rawtna an siam te an  thehlut ang. State Games-ah hian Mizo infiamna  (Indigenous Games) ngaihpawimawh a ni ang a, ni 9-14 December, 2019 chhunga neih tura ruahman chhin a ni. 

He meeting-ah hian sawrkar Department pawimawh hrang hrang te, recognised Sports Association te leh NGO hrang hrang te  an tel kim hle.