Vawiin khan Mizoram State Games 2019 hawn a nih atanga ni 3-na a ni a. Vawiin bikah hian inkhelhna hmun tura ruat lawk te hman kim vek a ni a, sport discipline awm zawng zawng pawh khelh kim vek niin event 221 a awm a. Heng inkhelhna hmunah te hian Constituency MLA te pawh an bialte chawkphur leh fuih turin an kal tha hle  a ni. Mizoram State Games hi Mizoram pumah hlut a hlawh hle a, state pawnlam media te pawhin an ngaih ven tawh hle a ni.

Sports Minister Pu Robert Romawia chuan Sports tih hmasawnna atana buatsai Mizoram State Games 2019 hi kan hlut tlan theuh a pawimawh tih a sawi a. He infiamna kutpuia thilthleng thehdarh thu hlaah pawh theihtawp chhuah turin Chanchinbumite a sawm nghal a ni. Mizoram State Games 2019 chhunga thlalak tha zual thil chhinchhiah thlak deuh bik te lak uar a pawimawh tih vawiinah State Games Media & Publicity official te a kawmnaah a sawi a. Thlalak tha bik leh chhinchhiah tlak tur deuh nia kan hriat te chu Sports & Youth Affairs Department Official te emaw Mizoram State Sports Council(MSSC) official te hnenah emaw a thehluh theih a. Thlalak tha te hi thlan chhuah a ni dawn a. Closing Day Function-ah thlalak thlanchhuah latute hnenah hian lawmman pek a ni dawn a ni. 

Vawiin  Mizoram State Games 2019 a thilthleng langsar zual deuh te a hnuaiah hian tarlan a ni: 

Wrestling Men Open, Below 45Kg-ah  Emanuel Lalduhsaka, Kum 11, Aizawl South III chu hriat theih chin ah ala naupang ber a. Vawiin Hockey match, MAP Ground Armed Veng-ah Tuirial in Mamit 7- 0 a an hneh tumin International Player Marina Lalramnnghaki chuan Tuirial constituency tan vawi 5 lai a vaw lut a ni. Vawiin Chess ah Pu Robert Runremmawia Mizoram Chess Number 1 ni lai mek chu Lunglei West tan a rawn inlan a. Aquatics-ah, Aizawl South-II tan unau thum an rawn in lan thei a. Chung te chu Malsawmtluangi Vangchhia  kum 14, Lalremruati Vangchhia kum 12, Laltlankimi Vangchhia kum 8 te unau an ni. Swimmer zingah Laltlankimi kum 8 hi a naupang ber a ni. Indegenious games  High Field a neih ah Sialsuk atangin Aizawl South-III tan Lalbiaknungi - kum 70, Lianmawii    - 68, Vanlalchuani – 71te an inlan  bawk a ni.