4379/2024-2025

Kolasib Dated the 21st February, 2025 : Vawiin Chawhma dar 11 khan Kolasib DC Conference Hall-ah Mizoram State Governor, General (Dr) Vijay Kumar Singh PVSM, AVSM, YSM (Retd) in naktuk, February ni 22, 2025 a Kolasib District Head-Quarter leh Counter-Insurgency and Jungle Warfare School (CIJWS), Vairengte a tlawh tur chungchangah District hotute’n an lo dawnsawn dan tur ngaihtuahin Pu Robert C. Lalhmangaiha, Deputy Commissioner hovin Kolasib a Head Of Offices te thutkhawmna neih a ni.

He hunah hian Kolasib DC Pu Robert C. Lalhmangaiha chuan Mizoram Governor-in Kolasib District a tlawh tur chu lawmawm a tih thu a sawi a. Kolasib District-a Head of Office; he huna kalkhawmte chu an Department theuha hmalakna kallai leh Central Scheme awmte Report siam turin a chah a. Heng Report te hi Governor hova thutkhawmna neih hunah Presentation tha taka pek tum a ni, a ti.

Mizoram State Governor, General (Dr) Vijay Kumar Singh PVSM, AVSM, YSM (Retd) hi naktuk 8:30 AM ah Kolasib thleng tura ruahman niin, DC Conference Hall-ah Kolasib DC leh Head of Office-te nen Inkawmhona darkar hnih chhung an nei dawn a. Hemi zawhah hian India rama sipai Training-na hmun pawimawh tak, Counter-Insurgency and Jungle Warfare School (CIJWS), Vairengte a tlawh dawn a ni.