4380/2024-2025

Dated Aizawl: the 21 February 2025 : Vawiin khan NHM, Health & Family Welfare Dept Mizoram leh DDK-te chuan Health Dept hnuaia mipuite hrisel na leh zirtirna lama hriattur pawimawh leh hmalakna hrang hrang program-te Doordarshan Aizawl a tihchhuah thinna tur atana thawhhona thuthlung chu National Health Mission Director room ah an ziak.

He hunah hian DDK Head Of Program, Pu C. Vanlalsiama chuan thusawiin, Information Education Communication IEC chungchanga state sorkar te hmalakna leh a hlawhtlinnate Sawrkar laipui lama thawn thlak a nih thin thu te a sawi a. Health leh Agriculture allied-te chu mipuite tan a pawimawh hle tih sawiin, hriselna lamah agreement ziah bakah mipui tanna tangkai tur zawnga thawhhona tha kalpui chhoh zel chu thil tul tak a ni a ti.

Dr. Eric Zomawia, Mission Director, National Health Mission pawhin thusawiin, hriselna chungchanga Discussion bakah mipui te tana tangkai zawk kalpui chhoh mek a nih tur thute a sawi a. DDK nena an thawhhona chuan NHM kaltlanga IEC chak zawk a thlen ngei a beisei tih sawiin, chumi atan chuan over all NHM tih hmasak ani dawn tih a sawi a. Hei bakah hian mipuite mamawh phuhruk thei ang bera Programme siam chhoh an tum dante tarlangin, Dr. Eric Zomawia chuan NHM hnuaiah ZMC, Civil Hospital, Ayush te tihmasawnna tur bakah Food & Drugs, Sub centre leh PHC kalphung te leh Rural Health lam program siamna tur atan National Programme 40 vel an neih mek thu a sawi bawk a ni.

Health Dept leh DDK Aizawl te thawhhona tura program siam tur thupui atan hian ‘Mi tin ban phak hriselna’ tih a ni dawn a, Zirtawpni chawlhkar hnihna leh a tuk Inrinni ahte tihchhuah a ni ang a, thlakhat ah vawi 4 tih chhuah thin a ni dawn a ni.

Thawhhona thuthlung ziahnaah hian NHM Official te bakah DDK Atanga Official te an tel a. tun dinhmunah DDK Aizawl hian School Education, MZSRLM leh Mizoram Sustainable Development Foundation te nen thawhhona nei mekin, Health Department te nen thawhhona hi an ziak leh ta a ni.