Vawiin chawhma dar 11 khan Chief Secretary Conference Hall-ah Mizoram State Health Society chuan Executive meeting an nei. Meeting hi Chief Secretary Pu Vanhela Pachuau in a kaihruai a, meeting hmasa a thurel te thlirhona an neih bakah hmathar lak dan tur te an rel ho a ni. He meeing ah hian member Engineer-in-Chief, PWD; PHE; P&E leh Principal Director, Health & FW te chu ruat thar an ni.

He meeting ah hian Civil Hospital, Aizawl leh Champhai Hospital tihchangtlun hna kal mek chu felfai leh chak zawk a kalpui anih theihnan Supervising Engineering staff dah nise tih anih bakah, Civil Hospital, Aizawl a Power supply tihchangtlun hna thawhnana mamawhte chu P&E Department ah engkim hlan fel anih tawh thu te sawilan a ni bawk. National Rural Health Mission hnuaia thawktu thenkhatte siamrem ngai lai te siamthat a ngaihthu rel a niin, hnalak dawn reng reng a fimkhur a ngaihthu leh ngaihtuahna thui tak kan hman thin a ngaihthu sawilan a ni bawk. NRHM hnuaia Ambulance hman man pawh ennawn a niin, mi hnuai hnung ber te pawhin an chhawr ngei theihna tur a siamthat a ni.