Vawiin chawhnu dar2:00 pm khan Mizoram State Law Commission meeting chu an Chairman, Pu John Siamkunga, MLA hovin a Office Chamber-ah an thukhawm a. Tun tum hi he Commission thutkhawm vawi 33-na a ni. 

He meeting-ah hian India ram mipuite tana Uniform Civil Code hman chungchang ngaihtuah a ni a. Hemi chungchang hi Law Commission of India-in a ngaihtuah mek lai a ni a. Rawtna te thehlut tura Law Commission of India-in a beisei anga hemi chungchang hi ngaihtuah a ni. Uniform Civil Code hi hnam hrang hrang leh sakhaw hrang hrang betute a hrang a hraia anmahni dan hmang lovin, dan pakhat,Indiarampum huap atanasiamchungchang a ni a. He thil hi tuna Mizoram-a hnam hrang hrang ten hnam bil tihdan leh State Assembly-in Inneih leh Inthen te, Rokhawm chungchangte a dan a lo pass tawh te thlir chung leh India Danpui hnuaia Mizoram-in Special Provision a neih ve te ngaihtuah chungin uluk taka sawiho a ni a. Mizoram tana tha ber tur ngaihtuah chungin an rawtna te chu sorkarah thlen nise an ti. 

Chairman, Pu. John Siamkunga chuan memberte inpekna hlu tak avangin Commission-in hna tha takin a thawk thin tih a sawi a. Department hrang hrangte pawh an Dan hman lai te zirchiang lehzual se, fel zawka mipui rawngbawl theihna atan a tangkai a rin thu a sawi bawk.