Mizoram State Law Commission Meeting vawi 16-na chu dated 26.10.2012 (Friday) dar 1:00 Pm hian New Secretariat Conference Hall, Aizawl- ah an Chairman, Pu R.Lalrinawma, MLA hovin an thukhawm.

He meeting ah hian Mizoram mipui mamawh hrang hrang an ngaihtuah zingah “Mizo Rokhawm Dan”{The Mizoram District (Inheritance of Property) Act, 1956} siamthat ngai te, Law Court rorelna tluang zawka a kal theihna tura sawrkar lamin a tihtur thenkhat leh a chinfel dan tur te a ngaihtuah a, hei hi Law Minister ho Consultative Committee-in Law Commission ngaihtuah atana a dah a ni. Hei bakah hian In hmun lo ram tihral leh inhlan chhawn (Transfer of Property Act) leh bungraw dahkham (Mortgage) chungchang te leh a dang te a rel a ni. Mizoramah hian bungraw inhlanchhawnna Dan fumfe kan nei lo chungin kan inhlanchhawng nasa hle lawi a, bungrua leh In leh Ram dahkhamna te pawh a Dan nei fumfe chuang lovin kan dahkham nasa hle bawk. Mi tamtakin harsatna te pawh kan tawk mek a ni. Hetiang dinhmuna kan awm tak si ah chuan Dan siam emaw Dan awmsa Mizorama hman ve mai emaw chungchang ngaihtuah a ni a ti.

Meeting ah hian Commission Secretary Pu Zahmingthanga Ralte bakah District Session Judge Pu T.Saikunga, Nizoram BAR Association President Pu L.H. Lianhrima, Law Department aiawh Pu Saingura Sailo, Sr Gov’t Advocate Pu R.C.Thanga, Additional A.G Pu A.K.Rokhum leh CADC aiawh te an tel.