Nimin August ni 8, 2014 chawhnu khan Mizoram State Law Commission chuan an Chairman, Pu John Siamkunga, hovin a office chamber-ah meeting vawi 27-na an nei.

Meeting-ah hian hun rei tak atanga an lo buaipui tawh Mizo inneih, inthen leh rokhawm thu a Dan siam chu an ennawn a. Siamthat ngaite siamthain an pawm a, a rang thei ang bera hman a nih theih nan sorkar-ah recommendation an thlen.

‘The Mizoram Trading Regulation Bill’, Trade & Commerce Department in Commission-a an thlen chu Committee chuan a ngaihtuah bawk a. Member Secretary, Pu Zahmingthanga Ralte chuan he dan chungchanga hriat tur pawimawhte chipchiar takin sawiin, hmalak zel dan tur te an ngaihtuahho a. Mizoram Sorkarin ‘The Mizoram Trading (Regulation) Bill, 2013’ draft a lo siam tawh chu Law Department in an endik tawh a, a chhung thu te Commission in uluk taka a zir hnuah President of India pawmpuina la turin a rang thei ang berin a kaihhnawih department-in hma la se, tiin Law Commission chuan thutlukna an siam a ni.

Chairman chuan thahnemngai taka Mizoram tana an tha leh zung an lo sennaah member-te chungah lawmthu sawiin meeting hi a tin ta a ni.