No.4747/2020-2021

Vawiin September ni 4, 2020 (Zirtawpni) chawhnu dar 1:00 pm khan Mizoram State Law Commission meeting chu an Chairman, Pu Lala Khobung hovin a Office Cham-ber-ah an thukhawm a. Tun turn hi Mizoram State Law Commission thutkhawm vawi 37-na a ni. Chairman, Pu Lala Khobung chuan Law Commission member-te chu theihtawp chhuaha an ngaihtuahnate seng zel a, kan ram leh hnam tana thahnemngai zel turin a sawm.

Vawiina meeting-ah hian The Mizo Marriage, Divorce and Inheritance of Prop­erty Act, 2014 hman mek chu, a taka kalpui a nih hnu-ah ennawn leh siam that ngaite a awm nia hria-in an sawiho a. A tut angin sorkarah recommendation siam nise an ti. Hei bakah hian The Mizoram Civil Courts Act, 2005 pawh an sawiho a. Tuna Mizoram-a Court hrang hrangte thuneihna chin te, thubuai hlabuai an ngaihtuah theih chin leh thubuai hlabuai kaihhnawiha sum leh pai an khawih theih zatte an sawiho a. A tut angin Mizoram sorkarah recommendation siam nise an ti. Hei bakah hian thil tuldangte pawh an sawiho bawk.

Tuna Mizoram State Law Commission-ah hian Chairman, Pu Lala Khobung, Secretary, Pu Zahmingthanga Ralte, Joint Secretary, Law & Judicial Department, Mizoram niin; Member-te : (1) Advocate General, Mizoram, (2) Pi Marli Vankung, Secretary, Law & Judicial Department, (3) Pu N. Zakhai, CEM, MADC, (4) Pu T. Zakunga, CEM, LADC, (5) Pu R.M. Chakma, CEM, CADC, (6) Pi Lucy Lalrinthari, President, Mizoram Judicial Service Association, (7) Pu L.H. Lianhrima, Sr. Advocate, President, Mizoram Bar Association, (8) Pu C. Zoramchhana, Addl. Advocate General, Mizoram, (9) Pu Saihmingliana Sailo, Addl. Govt. Advocate, Mizoram leh (10) Pu C. Lalrinchhunga, Addl. Govt. Advocate, Mizoram te an ni.