No.4/2021-2022

Aizawl, 1st April March, 2021 : Vawiin khan Mizoram State Law Commission (MSLC) chuan an Chairman Pu Lala Khawbung hovin a office chamber-ah an thukhawm a, tun tum hi MSLC thutkhawm vawi 38-na a ni. Chairman chuan Law Commission Member-te chu theihtawp chhuaha an ngaihtuahnate seng zel a, ram leh hnam tana thahnemngai zel turin a sawm.

Vawiin meeting-ah hian Mizoram State Law Commission meeting vawi 37-nain a lo rel tawh : ‘The Mizo Marriage, Divorce & Inheritance of Property Act, 2014’ hman mek chu ennawn leh siamthat ngaite a awm nia hriain Law Commission member-te leh Central YMA leh MHIP Gen. Hqrs., Aizawl te hnenah rawtna an neih chuan ziaka Law Commission-ah thehlut tura a ngen angin, an hnen atanga rawtna lo lutte chu sawiho a ni. An rawt zingah hian he Dan hmang thei tur siam that te, Mizo Dana man leh mual inhlan chu inneihna puitlinga ngaih nise tih te, nupa inthen thulhah nu-in nausen/naupang kum 5(nga) a nih thlengin kawl se tih leh ro sem dan tihdanglam rawtna te a ni a. Hei bakah hian Lai Autonomous District Council chuan he ‘The Mizo Marriage, Divorce & Inheritance of Property Act, 2014’ hian Autonomous District Council area-te a huam tur a ni lo tih an sawi bawk. Heng rawtna lo lutte hi ngun taka zirchian a, meeting leha ngaihtuah nise an ti a. Hei bakah hian Cr.P.C.Section 125, 127 leh 167-na chungchang an sawiho bawk. A tul anga ngaihtuah/sawiho zel nise an ti.

Tuna Mizoram State Law Commission-ah hian Chairman Pu Lala Khawbung leh Secretary-ah Pu Zahmingthanga Ralte, Jt. Secretary, Law & Judicial Dept. niin Member-te chu : (1). Pu Diganta Das, Advocate General, Mizoram, (2). Pi Marli Vankung, Secretary, Law & Judicial Dept., (3). Pu N.Zakhai, CEM, MADC, (4). Pu Manghmunga Chinzah, CEM, LADC, (5). Pu R.M.Chakma, CEM, CADC, (6) Pi Lucy Lalrinthari, President, Mizoram Judicial Service Association, (7). Pu Anil Rinliana Malhotra, Sr. Advocate, President, Mizoram Bar Assn., (8). Pu C.Zoramchhhana, Addl. Advocate General, (9). Pu Saihmingliana Sailo, Addl. Govt. Advocate leh (10). Pu C.Lalrinchhunga, Addl Govt. Advocate te an ni.