4542/2023-2024

Dated Aizawl, the 11th April 2024: Vawiin khan Mizoram State Legal Services Authority leh Aaranyak tangkawpin an buatsaih ‘Deterring Wildlife Crimes: Challenges and Opportunities’ chungchang Workshop chu Gauhati High Court, Aizawl Bench, MINECO, Aizawl ah neih niin Pu Justice Ujjal Bhuyan, Judge, Supreme Court of India chuan kuallian niin a hmanpui. Pu Justice Prasanna B. Varale, Judge, Supreme Court of India chuan Guest of Honour niin a hmanpui bawk.

Pu. Justice Ujjal Bhuyan-a chuan nungcha humhalh chu huang zau zawk Environment Protection hnuaia peng pawimawh tak anih avangin a pawimawh lehzual thu sawiin he pawimawhna hria hian India Constitution chuan nungcha humhalh nan dan hrang hrang a zam thu a sawi a. India ram chu nungcha leh ramngaw a hausa tak niin ramsa vang leh thih rem mai hlauhawm, endangered species, ram danga awm ve lo tam tak awm khawmna hmun anih vang tak hian India ram chu nungcha pelhna hmunpui lian takah a chan phah thu a sawi a. Hemi vang hian nungcha humhalhna dan awm sa ringawt chuan a ven sen loh thu sawiin khawvel pum dengchhuak thil anih na ang pawn sa pel thinte an chet hma a lo chet khalh a, lo dan an nih theih nan Centralized crime data bank leh Wildlife Forensic institute-te mamawhna a san thu a sawi. Prevention of Money Laundering Act,2002 (PMLA) nen thlunzawmin PMLA hnuaiah wildlife crimes hi a awm ve avangin sa pelh hmanga sumdawnna reng reng chu PMLA hnuaiah hrem theih anih thu a sawi.

Hetiang lamah hian awareness leh zirtirna pek that a pawimawh thu sawiin he workshop hi chutiang tur chuan hlawk taka hman ngei anih a beisei thu a sawi.

Guest of Honour, Pu Justice Prasanna B. Varale chuan Aaranyak leh Mizoram SLSA ten he hun an huaihawt chu lawmawm a tih thu sawiin nungcha leh ramngaw pawimawhna a sawi a. Hei vang tak hian Supreme Court chuan India Danpui Article 14-na leh 21-na hnuaiah “right to be free from adverse effects of climate change’ a tel thu a sawi.

Khuallian ho lawmna thil pek a hun hawn niin Pu Justice Michael Zothankhuma, Judge, Gauhati High Court & Executive Chairman, MSLSA chuan lawmna thuchah a sawi a. Mizoram police lam atang Pu Lalbiakthanga Khiangte, IPS leh Customs lam atangin Pu Malsawmtluanga, IRS chuan crime statistics, nungcha tawlh ruk man zat, tawlhru tute thawh dan leh a ven nan a an hmachhawp chunchangte presentation neih a ni a. Dr. Bibhab Kumar Talukdar, Secretary General & CEO, Aaranyak chuan nungcha pawimawhna mipui hrilhhriat pawimawhna thusawi tawi neiin Pu Justice Nelson Sailo, Judge, Gauhati High court & Chairman, HCLSC chuan thusawina in workshop hawnna hun a khar a ni.

Technical session neih niin Pu. Ajoy Das, Advocate, Gauhati High Court leh Pu Agni Mitra, Field Director, Dampa Tiger Reserve hnen atang presentation neih a ni a. Interactive session-in chhunzawmin Pi Helen Dawngliani, MJS, Secretary, Law& Judicial department, GOM chu moderator-ah a tang a ni.

He hunah hian mi pawimawh hrang hrang, Pi Justice Marli Vankung; Dr. Renu Sharma, IAS, Chief Secretary, Mizoram; Pu Anil Shukla, IPS, DGP, Mizoram leh Pu. Ashok Kumar, IFS, PCCF, EF&CC mai bakah department hrang hrang ten he worshop hi an chhim a ni.