1677/2022-2023
Aizawl the 23rd August, 2022 : Vawiin khan Mizoram State Library, Art & Culture Department leh Raja Rammohun Roy Library Foundation (RRRLF) tangkawp chuan Awareness Rally on Women Empowerment an buatsaih .

He awareness rally programme hi Khatla Traffic Point ah hman niin Pu R. Hmingthanzuala, Director, Art & Culture in a kaihruai a, Khuallian Pu L. Thangmawia, MLA leh Vice Chairman, Human Resource Development Board in thuchah tawi a sawi bakah Pi Carol VLMS Dawngkimi, Joint Director, Art & Culture Department in lawmthu sawina hun a hmang a. Khuallian in Rally Flag off na neiin, Khatla Traffic Point atanga tanin Mizoram State Library, MINECO thleng kawngzawh ani a.

He rally ah hian School 2 (pahnih) - Graceland School leh LR Higher Secondary School ten telpui in, School naupang 100 an tel thei ani. Kumin 2022 hi Raja Rammohun Roy piancham kum 250-na a ni a, a lawmnan RRRLF chuan kumin chhung hian India ram pum huapin Raja Rammohun Roy-a puala Programme hrang hrang buatsaih ni se a ti a. Vawiin programme pawh hi an hmalakna zinga pakhat ani a. RRRLF hian India ram District 250 ah huaihawt turin hma an la a, Mizoram ah hian District 4 ah huaihawt tura an tih ang in - Aizawl District, Kolasib District, Lunglei District leh Champhai District ah te vawiin ni hian he awareness rally hi huaihawt a ni ve bawk ani.

Raja Rammohun Roy hi Father of Modern India ti a sawi thin ani a, khawtlang nun siamthat mai bakah hmeichhiate dinhmun chawisanna kawngah pawh theihtawp a lo chhuah tawh thin a, hmeichhiate dinhmun chawisanna lam a a thawhhlawk em avang leh a ngaihpawimawh em avangin amah hriatreng nan he rally hi buatsaih a ni.