1678/2022-2023

Aizawl the 23^rd August, 2022 : Vawiin khan Joint Chief Electoral Officer Pu David L.Pachuau kaihhruaiin Special Summary Revision 2023 chungchangah Political Party aiawh hrang hrang te inhmuh khawmna hun a pisa-ah an nei.

Joint CEO Pu David L. Pachuau chuan Election Commission of India in thupek a lo chhuah tawh angin vawiin inhmuh khawmna chu koh a nih thu a sawi a, sawrkar laipui chuan Registration of Electors (Amendment) Rules, 2022 ti chhuakin, he dan siamthat a nih avang in voter inziah luhna atana form hman thin, registration forms te thlak danglam a ni tih a sawi a. Sec 23 of Representation of the People Act 1950 siamthat hmangin Electoral Roll a chuangte leh lut thar tur te chuan Aadhaar details an submit thei dawn a, 

Aadhaar number hi 31^st March 2023 hma in khawn zawh vek tur a ni a ti a. Aadhaar thehluh nan form thar, Form 6B hman tur tih sawiin, ECI chuan Aadhaar theh luh hi mimal duhthlanna-ah a innghat a ni tih sawiin, tihluihna a awmlo a ni, a ti a.  Aadhaar thehlut tur tan online hmangin, nvsp.in, voter helpline app hmang ten a thehluh theih bakah BLO kaltlang in a thehluh theih bawk thu a tarlang a ni. Aadhaar neilo tan documents dang 11 lai ECI guidelines angin thehluh theih documents a awm thu a tarlang bawk.

He hun a political party leh mipui te hriattur pawimawh tarlangte chu:-

Modified Registration Forms thar te hi Aug ni 1, 2022 atanga hman tan a ni.

Form 6: Electoral Roll a inziak lut thar tur leh constituency pakhat atanga constituency danga in sawn tur te tana Form 6 hman thin kha, tun atanq chuan roll a inziak lut thar tur tan chauh hman a ni tawh ang.

Form 7: Electoral Roll a chuang tawh te hming paihna atan chauh hman thin a ni a, form tharah chuan roll a chuanq tawh te hming paih nan leh chuanq tura propose (dilna kal mek) te pawh hemi form hmang hian Deletion dil theih a ni. Tin, form tharah hian mitthi tawh Electoral Roll atanga paih tur te tan Death Certificate thil tel a ngai bawk a ni.

Form 8 : Electoral roll a kan details, hming, address, etc siamthat dilna atan a hman thin a ni a. Form thar ah chuan heng a hnuaiatarlan zawng2 te hi Form 8 hmang hian dil theih a ni.

i) Assembly Constituency pakhat atanga Constituency danga insawn dil nan

ii) Assembly Constituency hnuai ah, Part pakhat atanga Part danga insawn dil nan

iii) Roll a kan details diklo siamthat nan

iv) Epic ti bo te tan EPIC thar dil nan

v) Electoral roll ah PwD chhinchhiah nan

Special summary revision of Photo electoral roll w.r.t 1.1.2023 as the qualifying date

Preparation of Electoral Roll with 4 Qualifying dates

Representation of the People Act 1950, Section 14 (b) siam that a nih avangin, tun hmaa Electoral Roll a inziaklut tur te tan qualifying date pakhat chauh (1^st January) awm thin kha tih danglam a ni a. Tun atang chuan Qualifying date pali (4),( 1^st Jan, 1^st April, 1^st July, 1^st Oct) a awm tawh dawn a ni.

Amaherawhchu, Annual Summary Revision kan neih thin hi chu 1^st Jan chauh qualifying date a hmangin neih chhunzawm tur a ni ang.

SSR chhung hian a kum leha kum tling thar tur (1^st January, 1^st April, 1^st July, 1^st October) zawng zawng ten advance in Electoral Roll a luh dilna an thehlut thei ang. Amaherawhchu, 1^st April, 1^st July, 1^st October a kum tling tur te chu heng quarter khata thla hmasa berah te hian an dilna te hi process a ni chauh ang.

4. Booth Level Agent

Recognized Political party ten BLO puibawm turin Polling station pakhat atan Booth Level Agent pakhat an ruat thei a. State level ah party President emaw Secretary in Form ID:BLA 1 hmangin BLA ruat chhawng tu tur District Representative a ruat thei a. Chung district representative te chuan Form ID:BLA2 hmangin polling station pakhat atan BLA pakhat zel an ruat thei a ni. BLA te hi ruat an nihna polling station a vote nei ngei an ni tur a ni. Special Summary Revision chhunga BLO hnena dilna lut te hi an lo finfiah pui ve thin tur a ni a, amaherawhchu roll a luh dilna form hi an dawng thiang lo a ni. BLA vawi khat ruat tawh chu Party lamin an thlak hma chuan BLA atan an tang chhunzawm zel thei a ni.