201/2022-2023
Aizawl, 19th April, 2022 : Vawiin chawhnu dar 1:30 khan Mizoram State Medicinal Plants Board, Executive Body chu an Chairman Dr. R. Lalthangliana kaihhruaina hnuaiah an thukhawm a. He thutkhawmna ah hian Ramhmul damdawi chungchang a hmalakna hrang hrang leh thurel pawimawh thahnem tak sawiho a ni.

He meeting ah hian State Medicinal Plants Board Chairman Dr. R . Lalthangliana chuan Pathian min pek leilung hausakna ramhmul damdawi leh maute kan ram hmasawnna atana hman tangkai an nih zel theih nan ngaihtuahna seng lehzualturin Board members te ngen a. State Medicinal Plants Board, Directorate of AYUSH hnuaia thawktute pawh ramhmul damdawi chungchanga hmasawnna rahbi thar chhawpchhuak turin a chah bawk a ni.

Vawiin SMPB Executive Body thukhawm chuan Mizoram chhunga ramhmul damdawite a mang mai loh nan, chinpung lehzual turin Nursery siam belh a rel a. Ram tana rotling Herbal Garden siam te, School naupangte tana ramhmul damdawi chungchang inzirtir leh inhrilhhriat nan School Herbal Garden din tura chak taka hma lakte an rel.

State Medicinal Plants Board hi National Medicinal Plants Board, Ministry of AYUSH, Govt. of India chuan State tina ramhmul damdawi ti changtlung tura ruahmanna a siam angin kum 2001 khan Mizoramah din a ni a. Kum 2015 atang khan AYUSH Department hnuaia sengluh a ni.

State Medicinal Plants Board (SMPB) Mizoram hian ramhmul damdawi chinpun, humhalh, a chungchang inhrilhhriat leh kawng hrang hranga ti changtlung turin hma a la thin a ni.