200/2022-2023

Ṭau thla ni 19, 2022: Vawiin khan Lawngtlai Bawrhsap Dr Andrew H. Vanlaldika hovin a office chamber-ah sawrkar laipuiin kut hna thawktute hamṭhat nana bank kal tlanga sum puk theih dan a ruahman, Kisan Credit Card (KCC) loan chungchang Lawngtlai District chhunga a chhawrtu tur mipuite hnena puanzar dan tur sawi ho a ni.

Bawrhsap Dr Andrew H. Vanlaldika chuan sawrkarin mipuite hamṭhatna tur ruahmanna ṭha tak tak a duang a, a chhawrtu turte'n an hriat chian loh avanga chhawr mang lohva liam mai mai a awm fo tih sawiin, KCC loan chu a pung (interest) hniam tea rulh theih tur, kut hna thawktute tana din chhuahpui theih tur ruahmanna ṭha tak a nih angin Lawngtlai District mipuite'n ṭangkai taka an chhawr theih nan mipui hnena puanzar leh hrilhfiah ngei tur a ni, a ti.

Lead Bank Office, Lawngtlaia Lead District Manager Pu Lallawmkima chuan report pein, KCC chungchang a sawifiah a. NABARD, bank hrang hrang leh line department ai awh kal khawmte chuan Lawngtlai District chhunga hlawhtling taka KCC kalpui a nih theih dan tur leh mipui hnena hrilhfiahna (campaign) buatsaih dan tur an sawi ho zui a ni.

KCC loan hi chi hnih - Crop Loan (Ministry of Agriculture & Farmers' Welfare hnuai) leh Animal Husbandry, Dairying and Fisheries (Ministry of AHDF hnuai) a awm a. Kut hna thawktute'n mahni account neihna bank kal tlanga lak theih niin, a pung eng emaw zat chu sawrkarin a rulhsak tur a nih avangin a sum lu (principal) baka mahni rulh ngai chu tlem te a ni a. District level-a campaign hawn nan April 27, 2022-ah Lawngtlai DC Conference Hall-ah hun buatsaih ni se, chumi hnua District chhung khaw hrang hranga kalpui chhunzawm dan tur chu LDM-in lo ruahman se, tih a ni.

Attachment

  • Loading attachment...