3049/2024-2025

Aizawl dated 18th November 2024: Vawiin khan Planning & Programme Implementation Department Committee Room-ah Mizoram State Policy Coordination Committee chu thukhawmin Bana Kaih Scheme hnuai a dilna lutte Implementing Department-ten an thlitfim hnu a sum mamawh zat zirchianna an nei a. Dr. KC Lalmalsawmzauva, Adviser to Chief Minister (Implementation of Hand Holding Policy) chuan hun kaihruaiin Pu Lalmalsawma Pachuau, Secretary, Planning & Programme Implementation chuan thupui sawi zawina hun a hmang a ni.

Dr. KC Lalmalsawmzauva, Adviser to Chief Minister chuan hlawhtlin tum a thiamna leh theihna nei, mi tumruhte kaih chhuahna tur ‘Bana Kaih Scheme’ thawhkhatna atan November thla chin a dilna lutte endik hmasak a nih tur thu a sawi a. Implementing Department-a Nodal Officer-ten uluk tak a dilnate an zirchian hnu ah Apex body chuan a endik leh tur thu a sawi. 

Thutkhawmnaah hian Labour, Employment, Skill Development & Entrepreneurship (LESDE) Department leh Bana Kaih scheme kalkawp theih dan tur te, Pilot Phase atan a Progress Partner thlan chhuah hma a Scheme kalpui dan tur zirchianna, Sensitization Program buatsaih dan tur te leh Pilot Phase atan a sum mamawh zat te sawi ho a ni.

Thutkhawmna a tarlan danin Implementing Department atangin dilna 8370 a lut tawh a, Implementing Department-a Nodal Officer leh Search Team ten zirchianna an kalpui tawh a. Commerce & Industries Department-ah dilna lut tam berin 3346 a lut a, Animal Husbandry & Veterinary Department ah dilna 2758-a lut bawk a ni. Aizawl district atangin dilna 1741-a lut a, Lawngtlai atangin 1413, Champhai 1228, Mamit 715, Kolasib 702, Siaha 667, Saitual 567, Lunglei 578, Serchhip 349, Khawzawl 326 leh Hnathial district atangin dilna 84 lut tawh anga chhinchhiah a ni. Implementing Department hnuai a Nodal Officer leh Search Team-te endik hnu ah vawiin thleng khan Pilot Phase atan a Apex Body-te ennawn leh turin dilna 190 theh luh a ni.