2375/2026-2027 

Dated Serchhip, the 25^th September, 2026: Mizoram State Project Monitoring Committee chuan vawiin khan Thenzawlah hmasawnna hnathawh kal mek Project Pali an endik.

Vawiina MSPMC in an endikte chu:-

    1. Construction of Heliports & Helipads in Thenzawl

    2. Construction of Mega Egg Production Farm at Thenzawl

    3. Construction of Thenzawl Higher Secondary School (Science Stream) Building

    4. Construction of Working Women Hostel at Thenzawl, te an ni.

MSPMC Inspection Team te hi hmun hnihah inthenin hnathawhte hi an endik a. Endikna neih a nih hnuah Exit meeting neiin  inrawnkhawmna neih zui nghal a ni.

MSPMC inspection team-te hi Er. Lalthanzuala Ralte, Secretary chuan hovin MSPMC Members- Arch. George Lalzuia, Dr. K. Vanlaldinpuia, Pu Lalbiakmawia Khiangte, Prof. Chawngsailova, bakah Pu Vannunmawia, PS to Vice Chairman, Pi Vanchhungi, Task Force leh PWD Quality Control Division, Evengeline Lalrinmawii, SDO leh Pu Lalbiaknunga, Lab Tech leh Lab Assistant dang pahnih (2) te an kal a. MSPMC Inspecting Team te hi heng project hrang hrang Nodal/Executing Department hotute leh Contractor ten an lo dawngsawng a ni.

Vawiina project hrang hrang endiknaah hian hnathawhna hmanruate chu PWD Quality Control Division ten lakhawmin uluk zawka endik leh a ni dawn a ni.