5022/2025-2026

Ni 27^th March, 2026 : Ni 25 March,2026 nileng khan Mizoram State Project Monitoring Committee chuan Pu R. Lal Rinawma, IRS(Rtd), Vice Chairman, MSPMC hovin  tun hnaia Project hrang hrang an endikte thlir hona, Review Meeting, Planning & Programme Implementation Department Conference Hall-ah an nei a.

Mizoram State Project Monitoring Committee hian tun kum (April,2025- March,2026 chhung) kallai ah hian Project hrang hrang 72 an endik tawhin, vawi 82 lai inspection nei hian an feh chhuak tawh a. Chung zinga Project 16, tun hnaia an endikte report tawi an thlir ho a, rel ngai leh bawhzui ngai pawimawh hrang hrangte sawi hona hun an hmang a. Review meeting hi session hnih ah thenin, 1st session-ah project 3 leh 2nd session-ah project 3 an lo endik tawhte a hmalakna tur chhawpchhuahte bawhzui a nih dan thlir letna hun hman a ni.

1^st Session-ah heng projects- 

(1) Mizoram State Super Specialty Cancer & Research Centre, Zemabawk.            

(2) Aizawl City Centre, New Market

(3) Multipurpose Ground, High School Field

2^nd Session-ah heng projects- 

(1) Improvement of Ramrikawn to NH-54 via Sakawrtuichhun 

(2) Agriculture Growth Centre, Tuikual South bakah 

(3) Mega Egg Production Farm, Thenzawla din tur chung changa thlirlawkna hun hman a ni bawk.

Heng hmasawnna hnathawh kal meka Nodal Department, Executing Department leh Contractor-te a mahni hun zelah meeting-ah hian kovin, hnathawh kal mek leh MSPMC-in rawtna alo siam tawhte bawhzui anih dan report an pe a. MSPMC chuan heng hmasawnna hnathawh kal mek te chak zawk a kalpui dan tur leh a rang lama mipui chhawr theih tura a puitlin ngei theihna tura tul hrang hrangte an sawipui a ni.