5021/2025-2026

27th March, 2026 : Vawiin khan Fisheries Department Secretary, Er. Lalrothanga, MES chuan Tamdil a tlawh a. Forest Department te nen Tamdil chungchang leh a tihchangtlun dan turte sawiho a ni. Tamdil ah hian lei lut a tam hle a, dil luanchhuah na lam a tui put ru te enfiah in a siamthat dan tur te sawiho ani.

Saitual District-in sangha thar chhuah lamah hma a sawn theihna turin Fisheries Department hmunhma te en fiah a ni a, sangha chi siamna leh dil lo awm tawh te thawm that a ngaih tawh thu sawiho a ni. Hei bakah hian Fisheries Department farm hi sangha chi siam chhuah leh khawi nan chauh ni lovin, zirlai leh sanghakhawitute tan zirtirna hmun pawimawh tak a nih theih dan a sawi a ni.

Fisheries Department Secretary chuan Fisheries Department hi ecotourism lamah pawh thawh hlawk tak leh sum thawkchhuak tam thei tak ni in a ngai a. Khuarel thil hmang tangkai chung leh tih hmasawnna kawng leh a humhalh na lam kawnga,  tourism tih hmasawn na lama entawn tlak leh tangkai tak tur ni in a ngai a, District Fisheries Development Officer’s Office  tlawh in a hmunhma te endik in, tih changtlun dan awmthei te sawiho ani. Hemi ni vek hian Khawzawl Tuisen Phai zau Leilet neitute nen a inkawm ho in,  tuikhuah siam dan turte sawiho ani a. Fisheries Department hnuaia mimal Sangha chi siamna a tlawh nghal bawk. Hemi hnu hian Champhai District a mimal  Sanghachi siamna hmun a tlawh nghal ani.