5020/2025-2026

Champhai, dated 27th March 2026: Vawiin khan I & PR Auditorium, CHANEM Building-ah District Child Protection Unit, Champhai District buatsaihin Programme on Workshop-cum-Capacity Building of stakeholders under Mission Vatsalya hman a ni a, he hunah hian Pi Lalrinkimi Hmar, District Child Protection Officer, Champhai chuan inlawmna thu sawiin programme hman a nih chhan te a sawi a ni.

Champhai SP Pu Lokeshwaran R chuan thu sawiin hetiang workshop pawimawh tak buatsaih a ni hi lawmawm a tih thu a sawi a, Naupang venhimna kawnga hnathawh thil pawimawh tak a nih avangin NGO hrang hrang te leh hetiang lam kaihhnawih lama Sorkar department te thawhhona ṭha neih a pawimawh thu a sawi bawk. Hetiang lama inzirtirna ṭha zawk neih belh zel a pawimawh thu a sawi bawk a ni.

Pu Vanlalruata, Judicial Magistrate leh Principal Magistrate, Juvenile Justice Board, Champhai District pawhin thu sawiin naupang tan a thawktute chu naupang te tana dawnsawn nuam leh an harsatna lo chhawk zangkhai thei tura lo inbuatsaih thin turin a chah a, Naupang tan a thawktu te mawhphurna hrang hrang a sawi bawk.

He hunah hian Juvenile Justice (Care and Protection of Children) Act, 2015 and Protection of Children from Sexual Offences Act, 2012 (JJ Act & POCSO Act) chungchang sawihona hun neih a ni a. Police department, Excise department, Health department, naupang kaihnawiha thawktu hrang hrang te leh naupang home hrang hrang a thawktute an tel a ni.