4754/2024-2025

Aizawl, the 21st March, 2025 : Vawiin chawhma dar 11:30 khan Mizoram State Project Monitoring Committee General Body Meeting vawi 5-na, kum 2025 atana meeting hmasa ber ni bawk chu Planning & Programme Implimentation Department Committee Room-ah neih a ni a. Pu R. Lal Rinawma, Vice Chairman, MSPMC chuan meeting hi a kaihruai.

Pu R. Lal Rinawma, Meeting Chairman chuan member tharte lawmna thu sawiin, member-te in hmelhrittirna hun a hmang. Chairman chuan MSPMC-ah hian subject hrang hranga mithiam bik, experience chhuanawm tak tak nei te leh memrber thar, mi chhuanawm tak tak te avangin a thlamuan thu leh kumthar hmalaknaah pawh chak zawk leh hlawk zawka kal a beisei thu a sawi a. Mizoarm State Project Monitoring Commitee kalphung leh hna an thawh dan kalhmang te a hriattir.

Hemi zawh hian Er. Lalthanzuala Ralte, Secretary, MSPMC chuan Powerpoint Presetation hmangin kum 2024 chhunga MSPMC-in Project hrang hrang 38 alo endik tawh hmalakna leh hnathawh dan thlirletna leh hrilhfiahna hun a hmang a. Heng hmalakna a tanga hmalakzui zel na tur rela sawihona hun hmangin, kum thar atana inrelbawlna leh hmalakna kalpui dan tur pawimawh tak tak te rel a ni.

MSPMC Member Term hi kum 1 (One Year) a ni a, February, 2025 thleng kha a kum khat-na a niin March 2025 atang an kum 2-na Term intanin, kum 2025 atan hian Committe Member 28 an awm a ni.