3234/2024-2025

Aizawl, the 27th November, 2024: Vawiin chawhma khan Mizoram State Project Monitoring Committee te chuan Planning & Programme Implimentation Department Com- mittee Room-ah Eklavya Model Residential School, Tlangnuam Review Meeting an nei a. Pu R. Lal Rinawma, IRS (Rtd), Vice Chairman, MSPMC chuan meeting hi a kaihruai a ni.

Mizoram State Project Monitoring Committee hian ni 01.11.2024(Zirtawp) khan EMRS Tlangnuam hi a hmunah an lo tlawh tawh a. MSPMC Team-te hian EMRS, Tlangnuam component hrang hrangte hi a Plan angin thawh ani em tih uluk takin an lo endik tawh a. Hemi inspection-a an thil hmuhte atanga siamthat ngai leh hmalak zui dan tur pawimawh hrang hrangte meeting-ah hian an rel a ni.

Eklavya Residential School hi India Constitution Article 275(1) hnuaiah, Tribal naupang, hmun kilkhawr a mi ten National Standard zirna an hmuh theih nana ruahman a ni a. Misistry of Tribal Affairs, Govt. of India sum Vaibelchhe 24 senga sak a niin, Tribal naupang 480 (240 Boys& 240 Girls) ten a thlawna zirna tha an lo hmuh theihna tura mamawh chitin awmna tura ruahman ani. Nodal Department hi Social Welfare & Tribal Affairs Department, Govt. of Mizoram a ni a, Con- tractor hi DJ Consultancy Services, Mission Vengthlang, Aizawl a ni.

Meeting-ah hian MSPMC Member, Er. Lalthanzuala Ralte, Secretary, MSPMC; Dr. Lalrinchhana, Pr. Adviser, Planning (Member MSPMC); Arch. George Lalzuia, Member, MSPMC:Er. Laltlanthangi Ralte, Member, MSPMC; Dr. Vanlaldinpuia, Member, MSPMC; Pi Lalremsangi Fanai, Member, MSPMC leh Pi Vanchhungi, Task Force MSPMC te an tel a. Social Welfare & Tribal Affairs Department atangin Pi Lalzarmawii, IAS, Secretary, SW&TA; Dr. Lalhriatzuali Ralte, IAS, CEO Mizoram EMRS Society and Director, SW&TA; Ruth Vanlalsawmi, Jt. Director, SW&TA te bakah he hna a mawhphurtu officer hrang hrangte an kal a. Contractor, DJ Consultancy Services leh Project Consultant, Biakliana & Sons Consultancy Engineer te an tel bawk.