3235/2024-2025

Dated Serchhip, the 27^th November, 2024: Kum 2024 Krismas leh Kum 2025 Kumthar hlim tlang tak leh thlamuang taka kan hman tlan theih nan Serchhip DC Pu Paul L Khuma chuan a hnuaia mi ang hian halpuah, halmawi leh silai lem mu nei chi khapna thupek a tichhuak.

Halpuah leh halmawite hian nasa takin mihring hriselna a tichhe thei a, boruak a tihchhiat leh tihbawlhhlawh mai bakah ri bengchheng a siam a, heng bakah hian silai lem a mu nei chite hian mihring piansualna a thlen tak fo bakah tul lova sum khawhralna a ni.

Chuvangin, Serchhip District Magistrate Pu Paul L Khuma chuan Section 163 of Bharatiya Nagarik Suraksha Sanhita, 2023 tlawh chhanin 25.11.2024 khapna thupek a tichhuak.

Serchhip District huamchhungah Kum 2024 Krismas leh Kum 2025 Kumthar vuakvetah :-

1. Halpuah, halmawi, sky lantern leh puakthei thil dang boruak tha lo siam thei leh ri bengchheng siam thei chi reng reng lak luh, zawrh, hralh, hal leh hman khap tlat a ni.

2. Naupang silai lem a mu hmang chi reng reng lak luh, zawrh leh hralh khap tlat a ni.

He thupek hian thu leh awm hma chu Order chuah a nih atanga thla 2 (two months) chhung a huam ang.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.