504/2024-2025

Dated Aizawl, the 17th May, 2024: Vawiin khan Mizoram Sorkar hmasawnna ruhrel endik tura din, Mizoram State Project Monitoring Committee (MSPMC) chuan Modernization of Bara Bazar Trade Facility-cum-Exhibition project atanga hna – Aizawl Smart City Limited hnuaia ‘Aizawl City Centre’ leh Commerce & Industries Department hnuaia ‘Aizawl City Centre Annex’ hmalakna kal mekte chu a hmunah an Vice Chairman, Pu R. Lal Rinawma, IRS (rtd) hovin endikna an nei.

He hunah hian Bara Bazar, Dawrpui a ‘Aizawl City Centre’ leh ‘Aizawl City Centre Annex’ sak mekte hmasawnna chu enfiahna neiin hmasawnna awm tawh leh hmasawnna ti thuanawp thei thil hrang hrangte sawihona neih a ni a. MSPMC Vice Chairman chuan building sak mekte inkara intlawhpawh tawnna awlsam zawk a awm theih dan tur te, bawlhhlawh leh hnawmhnawk felfai zawka tih ral a nih theih dan tur mai bakah building sak mekte chu tangkai thei ang bera hman a nih theih dan turte a enkawltu engineer leh contractor te nen sawihonna a neihpui a. Vice Chairman chuan a building enkawl leh zel dan tur -Operating and Management chu a pawimawh thu sawiin heng hmalakna awm mekte zawh fel a nih hun a sum deh chhuah anih theih dan tur te sawi ho nghal bawk a ni.

Aizawl City Centre hi tun hma a New Market Main building awm thinna hmuna sak niin UD&PA department hnuaia Aizawl Smart City Limited enkawl a ni a. He project zawh fel nan hian cheng vbc 41.59, Smart City Mission atanga fund niin January 2023 atang khan hna hi tan a ni. Tun dinhmunah hian 38% vel zawh fel tawh niin he building hi Block A leh B a then tum a ni a. Block A hi Basement bakah G+7 awm tura ruahman niin Block B hi Basement bakah G+5 awm tura ruahman a ni. Two wheeler leh 4-wheeler park-na tur hmun felfai tak te, service lift leh passenger lift te bakah cold storage te awm thei tura ruahman niin, a building zawh fel hnu hian dawr 1105 vel a awm thei dawn a ni.

Aizawl City Centre Annex hi tun hma a Foreign Lane building awm thinna a sak niin Commerce & Industries Department hnuaia enkawl a ni a. He project zawh fel nan hian NEDP atang cheng nuai 3641.59 a fund niin he hna hi June 2020 atanga tan a ni. He building hi Block A, B leh C a then tura ruahman a ni a, Block A hi basement bakah G+5 awm tura ruahman niin a dang pahnihte chu G+5 ve ve tura ruahman a ni. Dawr(stall) 132 leh dawr te (hawkers) 180 awm thei tura ruahman niin tun dinhmunah hian 70% vel zawh fel tawh a ni.

Heng project pahnihte Contractor leh Consultancy Firm atan hian Lushai Engineers, Ramhlun South te chu hman an ni.

He hunah hian MSPMC members atang Er. Vanlalruata Sailo (Secretary); Dr. Lalrinchhana (Principal Adviser); Arch. George Lalzuia leh Pi Vanchhungi (Task Force) te bakah Team B atang members – Er. R. Lalchhanhima leh Er. Sanghrima te leh Team C atang members – Er. Vanlalhruaia, Prof Chawngsailova leh Er. Lalrinawma te an tel a ni.

Aizawl Smart City Limit atang Larry Vanlaldampuia Dy. TL, PMC; Lalrinpuia Ralte, Site Engineer, PMC; CC Lalchhuangkima, CEO; V. Lalruatliana, Dy. CEO; Lalrosiama, EE; Kennedy, AE leh Z. Lalduhawma te telin Commerce & Industries atang Lalsangpuii, Jt. Director leh Samson Rosangzuala, JE te an tel a.

Lushai Engineers lam atangin Lalbiaksanga, Lalhmachhuana leh H.lalthanngura te an tel bawk a ni.

He hun hi Pu Vanlalsawma, Marketing Inspector mai bakah Association 64 tel khawm in a an din, chhungkaw 2000 vel awmna, New Market Sumdawng Joint Association atang Pu R. Lalthangzama, Chairman; Pu R.Romawia Vice Chairman; Pu PC Malsawmdawngliana, Secretary; Pu LC Mawia, Asst. Secretary leh Pu Lalthanmawia, Treasurer ten he endikna hi an tawiawm a ni.