1444/2026-2027 

Dated Serchhip, the 17^th July 2026: Vawiin khan Mizoram State Project Monitoring Committee (MSPMC) Inspecting Team te chuan ‘Resurfacing of Old National Highway Road at Serchhip Under SASCI Part-V, 2025-2026’ hna kal mek chu a hmunah kalin an endik.

‘Resurfacing of Old National Highway Road at Serchhip under SASCI Part-V’ hi Technical sanction amount chu cheng vbc. 10 niin Contractor hi Urban Infraprojects Pvt. Ltd., Kolkata niin agreement amount hi Rs. 9,61,55,482.60 a ni a. Agreement hi Chief Engineer, Roads, MPWD leh Urban Infraprojects Pvt. Ltd, Kolkata ten ni 17.3.2026 khan sign-in hna tan hun hi 27.3.2026 a ni a. Kum khat (1) chhunga thawh tur niin hna zawh hun tur hi 27.03.2027 a ni.

Mizoram State Project Monitoring Committee (MSPMC) Inspecting Team te hian he hna thawh mek hi Kikawn atanga enfiahin he hna enkawltu, PWD Serchhip Division ten an hnathawh tawh chin leh hmabak la awm te an hrilhfiah a, he hna in a kentel meter 300 vela thui kawngpui zauh hna chu zawhfel a nih tawh thu leh Side Drain siam hna te chu thawh mek a nih thu sawiin, Box Culvert siam tur leh kawngpui Bituminous Concrete (BC)-a siam tur te chu hmabak lian a la ni tih an sawi a. Kawngpui Bituminous Concrete-a siam tur hi hna tan tawh mah se Fur ruahtui a tlak zui tak avangin chhunzawm theih a nih loh thu pawh PWD hotute chuan sawiin, ruahtui a ziaawm veleh hna hi tan nghal leh theih an beisei thu leh harsatna dang a awm thut a nih loh chuan huntiam chhunga hna zawhfel hman ngei an beisei thu an sawi a. Tunah hian hnathawh tur atangin za zela 39 vel zofel tawh anga ngaih a nih thu pawh an sawi bawk a ni.

Resurfacing of Old National Highway Road at Serchhip Inspection-ah hian MSPMC Members- Arch. George Lalzuia, Er. Sanghrima Chongthu, Er. H. Laldintluanga, Pu Vannunmawia, PS to Vice Chairman, Pi Vanchhungi, Task Force, Er. Remlalmuanpuia, PA to Vice Chairman te an kal a. MSPMC Inspecting Team te hi PWD Serchhip Division atangin Er. PC. Zokhuma, Sr. Executive Engineer leh Er. Lalrinhlua Ralte, SDO bakah thawktu dang ten an lo tawiawm a ni.