Vawiin khan Parliamentary Secretary i/c PWD Pu Lal Thanzara hovin a office chamber-ah Mizoram PWD Secretary & Engineer-in-Chief Pu Liansanga leh Department hotuten Mizoram chhunga kawng dinhmun leh hmalak dan te an sawiho.
Meeting-ah hian Parliamentary Secretary Pu Lal Thanzara chuan kawng enkawl leh siamthat chungchang chipchiar takin a sawipui a, road maintenance fund-ah harsatna awm thin mahse mipui mamawhna hriain PWD hotute chu theihtawp chhuah zel turin a hrilh a ni.
PWD hotute chuan Mizoram state roads zawng zawng, PWD enkawl lai mek chu 4730 kms a nih thu leh heng enkawl/siamthat nan kum tin Rs.159.254 crores mamawh a nih laiin Rs. 5-10 crores chauh dah a ni thin chuan harsatna namenlo a siam a ni tih an sawi a. Mipuite pawhin kawng siam leh enkawl hautak zia hre renga, tuna kawng awm ang ang te chu uluk leh duat lehzual hi kan mawhphurhna theuh a ni, an ti bawk. State danga truck/motor lian overload chungchanga Dan khauh tak kalpui a nih laiin Mizoramah chuan overload khuahkhirh a nih loh avangin kawng leh lei (bridge) a chhe duh hle a. Hemi chungchangah pawh sorkar-in khauh zawka ruahmanna a siam a, a tul anga Dan pawh a kenkawh a tul a ni tih an sawilang a ni.
PWD hotute chuan Mizoram state roads zawng zawng, PWD enkawl lai mek chu 4730 kms a nih thu leh heng enkawl/siamthat nan kum tin Rs.159.254 crores mamawh a nih laiin Rs. 5-10 crores chauh dah a ni thin chuan harsatna namenlo a siam a ni tih an sawi a. Mipuite pawhin kawng siam leh enkawl hautak zia hre renga, tuna kawng awm ang ang te chu uluk leh duat lehzual hi kan mawhphurhna theuh a ni, an ti bawk. State danga truck/motor lian overload chungchanga Dan khauh tak kalpui a nih laiin Mizoramah chuan overload khuahkhirh a nih loh avangin kawng leh lei (bridge) a chhe duh hle a. Hemi chungchangah pawh sorkar-in khauh zawka ruahmanna a siam a, a tul anga Dan pawh a kenkawh a tul a ni tih an sawilang a ni.
