1929/2026-2027

Dated Serchhip, the 25^th August 2026: Vawiin khan Serchhip District Bawrhsap Pu Paul L. Khuma kaihhruaiin School Education Department, Govt. of Mizoram buatsaih Draft Mizoram State School Drug Policy 2026 sawi hona DC Meeting Hall-ah neih a ni.

SDEO Pi Melody Betlu-in Policy tlangpui sawizauna neiin zirlaite ruihhlo hman sualna laka venna tura buatsaih a nih thu te, zirna in-a ruihhlo hmansual inzirtirna nasa zawka kalpui te, rilru hrisel leh nun dan dik zirtir leh kawng hrang hranga zirlaite thuam chakna turtea he draft Policy hi duan niin line Department hrang hrangte nena thawhhona tha lehzual siam dan turte pawh he policy-ah hian telh a ni.

Vawiin thutkhawmah hian draft policy hi chik taka en ho niin siam that ngai leh belh ngai nia hriatte sawi ho a ni a, State Level Committee-in a ngaihtuah that leh turin rawtna eng emaw zat siam a ni.

DC Pu Paul L. Khuma chuan ruihhlo chungchang inzirtirna hi chhungkua atanga bul tan a pawimawh thu sawiin nu leh pa te tan pawh awareness neih a pawimawh thu a sawi a; school performance review & monitoring neih that te, awareness atan comprehensive study material/syllabus mumal tak neih te, drug kaihhnawih Committee hrang hrang NMBA, NCORD etc te nena linkage mumal tak neih te, zirlaite ngei inhman theihna tur Anti-Drug Committee/club dinte chu Policy-a telh makmawh nia a hriat thu a sawi a.

Naupangte Awareness Campaign leh Counselling neihpui turin dedicated Trained/Professional Counselor ngei awm thei se tihte sawi lan niin, thawktu indaih lohna a awm a nih pawhin Cluster Approach tala kalpui theih ni se tihte suggestion langsar zual zingah a tel a ni.

District Level Consulative Committee-in rawtna a siamte hi State Level-ah ennawn leh tur niin he draft policy hi approved a nih chuan School anga India rama ruihhlo dona policy hmasa ber a nih tur thu vawiin meetingah hian sawi lan a ni.