Mizoram State Sport Council chu an president, Sport Minister Pu Zodintluanga kaihhruaiin vawiin chhun khan ama office-ah an thukhawm a, hmalakna tur thil pawimawh hrang hrang an rel.

Meeting kaihruaitu Pu Zodintluanga chuan Mizoram sorkar tum angin district tina infiamna hmunhma puitling stadium buatsaih hna chu Serchhip-ah peih fel tep anih thu leh Lunglei leh Champhai-ah pawh bul tan a nih dan a tarlang hmasa a, Kolsib-ah chuan detail project report thehluh tawh a nih thu leh Lawngtlai District atan sum sanction fel ani tawh bawk a ti. Hmalakna dangah chuan Aizawl-ah International Standard Swimming Pool siam mek te, Urban Sports Infrastructure Scheme hnuaiah Lunglei Contact Sport, Champhaiah Phul lem phah mek, Mualpui-ah Multi purpose Hall leh Kawnpui-ah Hockey Field Astroturf siam an nih thu sawiin State tam takin he scheme hnuaiah hian hmalakna sawi tham an neih loh laia, Mizoramin hetiang vanneihna adawng hi infiam mi leh thalai hmakhaw thlir a sorkar thil tum tih puitlinna a ni.

Vawiin a MSSC Meeting hian thu pawimawh engemaw zat an ngaihtuah a, chung zingah chuan District Sports Committee inkaihhruaina chungchangte ; Recruitment Rules ennawn; Sport Medical Section tana hmanraw lei dan ; leh Pykka staff te Sports Council-a rawihzui chungchangte a sawi a ni.

Attachment

  • Loading attachment...