Vawiin chawhnu dar 1:00 khan D.C Conference Hall, Keifangtlang-ah MP Election 2014- a vote tlate chhiar dan tur chungchangah Micro-Observer te pualin training neih ani.

Champhai District Election Officer Pu Sangdingliana, IAS chuan Micro-observer te hnenah vote chhiar chungchanga an duty dan tur a hrilhfiah a. Counting Supervisor te an pui tur a ni a, hemi ni atana hman tur form hrang hrang an fill-up dan leh counting supervisor te form fill-up a inang chiah tur a ni tiin EVM endik tu tur an nih angin an hna a pawimawh a, chiai na leh phili na tur a awm lo tiin, fimkhur taka tih erawh chu a ngai a ni ati.

MP Election Vote tlate chhiar huna Champhai District viltu tur Observer Pu Shali Mohammed, Jammu & Kashmir atanga lo kal tur chu naktuk hian a lo thlen tur thu sawiin, ama ho hian Micro-Observer te hian ni 15,5.2014 chhun dar 12:00 ah D.C conference hall-ah training neih leh tur a ni.

Pu Vanrengpuia, EO in VVPAT hman dan leh hriat tur pawimawh hrang hrangah zirtirna pe in, fel leh dik taka thawk theuh turin Micro-Observer te chu a chah a, Pu Zoremthara Ralte BDO in EVM endik dan tur training a pe bawk